Fruit Mixer Recipe : சத்துக்கள் நிறைந்த ஃப்ரூட் மிக்ஸர்.. சட்டுன்னு செய்ய ரெசிபி இதோ!

Fruit Mixer Recipe : பழங்களும் சத்துகளும் நிறைந்த சுவையான ஃப்ரூட் மிக்ஸர் ரெசிபியை இன்றே ட்ரை செய்யுங்கள்.

ஃப்ரூட் மிக்ஸர்

தேவையான பொருட்கள் : வாழைப்பழம் - 4 நறுக்கியது, மாம்பழம் - 1 கப் பொடியாக நறுக்கியது, பப்பாளி - 1 கப் நறுக்கியது, பைனாப்பிள் - 1 கப் நறுக்கியது, ஆப்பிள் - 1 கப் நறுக்கியது, மாதுளைப்பழம் - 1/2 கப், திராட்சை நறுக்கியது, ரோஸ் சிரப் - 1 மேசைக்கரண்டி, பாதாம் பால்.

செய்முறை : முதலில் வாழைப்பழம், மாம்பழம், பப்பாளி, பைனாப்பிள், ஆப்பிள், மாதுளை பழங்களை வெட்டி எடுத்து கொள்ளவும்.

பிறகு ஒரு பெரிய கிண்ணத்தில் வெட்டிய பழங்களை சேர்த்து மசித்து கொள்ளவும்.

அடுத்து அதில் திராட்சை, ரோஸ் சிரப் சேர்த்து மீண்டும் லேசாக மசிக்கவும்.

பிறகு ஒரு கிளாஸில் பாதியளவு பாதாம் பாலை ஊற்றி, ப்ரூட் மிக்ஸரை சேர்க்கவும்.

அவ்வளவுதான் சுவையான ப்ரூட் மிக்ஸர் பரிமாற தயாராக உள்ளது.