Karuppu Ulunthu Gravy : சப்பாத்திக்கு ஏத்த சைடிஷ்.. இந்த கருப்பு உளுந்து கிரேவியை ட்ரை பண்ணி பாருங்க!

Karuppu Ulunthu Gravy : சப்பாத்திக்கு குருமா, சட்னி சாப்பிட்டு போர் அடித்துவிட்டதா? அப்போது இந்த கருப்பு உளுந்து கிரேவியை ட்ரை பண்ணி பாருங்க அட்டகாசமா இருக்கும்..

கருப்பு உளுந்து கிரேவி

தேவையான பொருட்கள் : கருப்பு உளுந்து - 50 மி.கி, நெய் - 1 மேசைக்கரண்டி , எண்ணெய் - 1 மேசைக்கரண்டி, பிரியாணி இலை , சீரகம் - 1 தேக்கரண்டி, பட்டை - 4 துண்டு , கிராம்பு - 4 , இஞ்சி பூண்டு விழுது - 2 தேக்கரண்டி , தக்காளி விழுது - 4 பழம், மஞ்சள் தூள் - 1 தேக்கரண்டி, காஷ்மீரி மிளகாய் தூள் - 3 தேக்கரண்டி , கொத்தமல்லி தூள் - 2 தேக்கரண்டி, சீரக தூள் - 1 தேக்கரண்டி , உப்பு - 2 தேக்கரண்டி, தண்ணீர் - 1/2 கப், கரம் மசாலா தூள் - 1 தேக்கரண்டி, சர்க்கரை - 1 தேக்கரண்டி, கசூரி மேத்தி வெண்ணெய், ஃப்ரெஷ் கிரீம்.

செய்முறை : முதலில் கருப்பு உளுந்தை இரவு முழுவதும் தண்ணீரில் ஊறவைத்து எடுத்து அதை குக்கரில் சேர்க்கவும். பருப்பு மூழ்கும் அளவிற்கு தண்ணீர் ஊற்றி கொள்ளவும்.

அடுத்தது குக்கரில், உப்பு, மஞ்சள் தூள் மற்றும் பிரியாணி இலை சேர்த்து மிதமான தீயில் 5-6 விசில் வரும் வரை வேகவைத்து தனியாக எடுத்து கொள்ளவும்.

அடுத்தது கடாயில் நெய் மற்றும் எண்ணெய் ஊற்றி சூடானதும் சீரகம், பட்டை மற்றும் கிராம்பு சேர்த்து வறுக்கவும். அதன் பின் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

அடுத்தது தக்காளி விழுது சேர்த்து 10 நிமிடம் வதக்கவும். கிரேவியில் எண்ணெய் பிரிந்ததும், காஷ்மீரி மிளகாய் தூள், மல்லி தூள், சீரக தூள், உப்பு சேர்த்து கிளறிவிடவும்.

அடுத்தது வேகவைத்த உளுந்து மற்றும் தண்ணீர் ஊற்றி மூடி வைத்து மிதமான தீயில் 15 நிமிடம் கொதிக்கவிடவும். கடைசியாக கரம் மசாலா தூள், சர்க்கரை, கசூரி மேத்தி வெண்ணெய் மற்றும் ஃப்ரெஷ் கிரீம் சேர்த்து 5 நிமிடம் கிளறிவிட்டு இறக்கினால் சுவையான கருப்பு உளுந்து கிரேவி தயார்.