Sorakkai Kootu:ஆரோக்கியம் நிறைந்த சுரைக்காய் கூட்டு - இப்படி செய்து அசத்துங்க!

Sorakkai Kootu: சுவையான சுரைக்காய் கூட்டை, சூடான சாதம் மற்றும் சப்பாத்தி உடன் சேர்த்து சாப்பிட்டால் சுவையாக இருக்கும்

சுரைக்காய் கூட்டு

தேவையான பொருட்கள்: துவரம் பருப்பு - 1/2 கப், சுரைக்காய் - 1, வெங்காயம் - 1 நறுக்கியது, தக்காளி - 1 நறுக்கியது, பச்சை மிளகாய் - 3 , பூண்டு - 15 பற்கள், கல்லுப்பு - 1 தேக்கரண்டி, மஞ்சள் தூள் - 1/4 தேக்கரண்டி, மிளகாய் தூள் - 1 தேக்கரண்டி, புளி, தண்ணீர் கொத்தமல்லி இலை

தாளிப்பதற்கு தேவையான பொருட்கள்: நெய் - 1 தேக்கரண்டி, உளுத்தம் பருப்பு - 1 தேக்கரண்டி, கடுகு - 1 தேக்கரண்டி, சீரகம் - 1 தேக்கரண்டி, இடித்த பூண்டு, காய்ந்த மிளகாய் - 2 , பெருங்காயத்தூள் - 1/4 தேக்கரண்டி, கறிவேப்பிலை.

செய்முறை: முதலில் துவரம் பருப்பை தண்ணீரில் அரை மணி நேரம் ஊற வைக்கவும். அதன் பிறகு குக்கரில் வேகவைத்து எடுத்துக்கொள்ளவும்.

அடுத்தது கடாயில் எண்ணெய் ஊற்றி சூடானதும் நறுக்கிய சுரைக்காய், வெங்காயம், தக்காளி, பச்சை மிளகாய், புளி, கொத்தமல்லி, மஞ்சள்தூள், மிளகாய் தூள் சேர்த்து நன்கு கலந்து, தேவையான அளவு தண்ணீர் சேர்த்து நன்கு கிளறிவிடவும்.

அடுத்தது குக்கரை மூடி வைத்து அடுப்பை மிதமான தீயில் வைத்து நான்கு விசில் வரும் வரை வேகவைக்கவும். அதன் பிறகு மூடியைத் திறந்து பருப்பை சிறிது மசித்து கொள்ளவும்.

அடுத்தது பாத்திரத்தில் நெய் ஊற்றி, மிளகாய், கடுகு, சீரகம் சேர்த்து வதக்கிய பின் மிளகாய், பூண்டு, கறிவேப்பிலை, பெருங்காய தூள் சேர்த்து வதக்கவும். அதன்பின் கூட்டில் தாளிப்பு சேர்த்து கலந்துவிட்டால் சுவையான சுரைக்காய் கூட்டு தயார்.