Ganguly biopic : படமாகும் தாதாவின் வாழ்க்கை..கங்குலியாக மாற போவது ஆயுஷ்மான் குராணாவா?..கார்த்திக் ஆர்யனா?..

கங்குலியின் கதாப்பத்திரத்தில் நடிக்க போகும் நடிகர் என கார்த்திக் ஆர்யன் மற்றும் ஆயுஷ்மான் குராணா ஆகிய இருவரின் பெயரும் பேசப்பட்டு வருகிறது.

சவுரவ் கங்குலி, ஆயுஷ்மான் குரானா, கார்த்திக் ஆர்யன்,

இந்திய கிரிக்கெட் உலகின் ஜாம்பவான்களில் ஒருவர் சௌரவ் கங்குலி. இவரது வாழ்க்கை திரைப்படமாக உருவாக இருக்கிறது என்ற தகவல் வெளியானது.

கங்குலியின் சிறுவயது முதல் பி.சி.சி.ஐ யின் தலைவராக நியமிக்கப்பட்டது வரை நடந்த சம்பவங்களை வைத்து இப்படம் உருவாக உள்ளதாக கூறப்பட்டது.

லவ் ரஞ்சன் இப்படத்தை தயாரிக்க உள்ள நிலையில் இயக்குநர்கள் யார் என்பது முடிவு செய்யப்படாமல் உள்ளது.

முதலில் கங்குலியிடம் படக்குழு, முதன்மையான திரைக்கதையைக் கூற இருப்பதாகவும் தகவல் வெளியாக உள்ளது.

இந்நிலையில் கங்குலியின் கதாப்பாத்திரத்தில் நடிக்க போகும் நடிகர் என கார்த்திக் ஆர்யன் மற்றும் ஆயுஷ்மான் குராணா ஆகிய இருவரின் பெயரும் பேசப்பட்டு வருகிறது.

மேலும் இப்படத்தை விக்ரமாதித்ய மோத்வானே, ஐஸ்வர்யா ரஜினிகாந்த் ஆகிய இருவரில் ஒருவர் இயக்க இருப்பதாகவும் தகவல் வெளியாக உள்ளது.