Leo Posters : 'போஸ்டர் அடி..அண்ணன் ரெடி..’ இணையத்தை ஆளும் லியோ ஹாஷ்டாக்!

Leo Movie Posters : நேற்று மாலை 6 மணிக்கு வெளியான போஸ்டரை தொடர்ந்து, இனி வரும் மூன்று நாட்களுக்கு போஸ்டர்கள் வெளியிடப்படவுள்ளது.

லியோ விஜய்

விஜய், திரிஷா உள்ளிட்ட பல நடிகர்கள் நடித்துள்ள லியோ படம் வருகிற அக்டோபர் 19 ஆம் தேதி வெளியாகவுள்ளது.

இப்படம் குறித்த முதல் அறிவிப்பு வந்தவுடன், விஜய் ரசிகர்கள் மற்றும் சினிமா பிரியர்கள் கொண்டாட ஆரம்பித்தனர்.

ஒவ்வொரு அதிகாரப்பூர்வ அறிவிப்பிற்கு முன்னரே, தகவல்கள் கசிந்து வந்தது. இருப்பினும் அதை புதிதாக கேட்பது போல், மக்கள் சர்ப்ரைஸ் ஆகினர்.

படப்பிடிப்பின் போது எடுக்கப்பட்ட புகைப்படங்களை இணையத்தில் லீக் ஆகி லைக்ஸ்களை அள்ளின.

முன்னதாக படத்தின் டைட்டில் ரிவீல் வீடியோ, ஃபர்ஸ்ட் லுக் போஸ்டர், நான் ரெடி எனும் ஃபர்ஸ்ட் சிங்கிள் வெளியாகி அமோக வரவேற்பை பெற்றது.

நேற்று, தயாரிப்பு நிறுவனமான செவன் ஸ்கீரினிடம் இருந்து புது அப்டேட் ஒன்று வந்தது. தொடர்ந்து நான்கு நாட்களுக்கு வரிசையாக லியோ படத்தின் போஸ்டர்களை வெளியிடவுள்ளதாக தெரிவிக்கப்பட்டது. அதன் படி நேற்று மாலை 6 மணிக்கு, காஷ்மீர் பனியுடன் விஜய்யின் புகைப்படம் எடிட் செய்யப்பட்டு போஸ்டர் ஒன்று வெளியானது. இதில், “கீப் காம் அண்ட் அவாய்ட் தி பாட்டில்.” என குறிப்பிடப்பட்டுள்ளது.