இந்திய அணியின் வெற்றியை கொண்டாடிய மகிழ்ச்சியில் தங்க போனை தொலைத்த ‘தி லெஜண்ட்’ நடிகை!

இந்திய அணியின் வெற்றியை கொண்டாடிய மகிழ்ச்சியில் தனது தங்க போனை தொலைத்துவிட்டார் ஊர்வசி ரவுத்தேலா.

ஊர்வசி ரவுத்தேலா

நேற்று முன்தினம் உலகக்கோப்பை கிரிக்கெட் போட்டியில் இந்திய அணியும் பாகிஸ்தான் அணியும் குஜராத்தில் உள்ள நரேந்திர மோடி மைதானத்தில் மோதின.

இந்த போட்டியில் இந்திய அணி பாகிஸ்தான் அணியை 7 விக்கெட் வித்தியாசத்தில் வீழ்த்தியது.

இதற்கிடையில் போட்டியை காண வந்த நடிகை ஊர்வசி ரவுத்தேலா தன்னுடைய 24 கேரட் தங்க ஐ போனை தொலைத்துள்ளதாக எக்ஸ் தளத்தில் பதிவிட்டுள்ளார்.

போன் தொடர்பாக ஏதாவது தகவல் தெரிந்தால் தன்னை தொடர்பு கொள்ளலாம் என்று தெரிவித்துள்ளார்.

இது தொடர்பாக அகமதாபாத் காவல் நிலையத்திலும் புகார் கொடுத்துள்ளார்.

ஊர்வசி ரவுத்தேலா ''தி லெஜண்ட் '' திரைப்படத்தில் நடித்து தமிழ் திரையுலகிற்கு அறிமுகமானவர் என்பது குறிப்பிடத்தக்கது.