Thalapathy 68 : பேங்காக்கிலிருந்து பறந்து வந்த விஜய்..ட்ரெண்டிங்கில் தளபதி 68!

Thalapathy 68 : தளபதி 68 எனும் ஹேஷ்டேக் எக்ஸ் தளத்தில் தற்போது ட்ரெண்டாகி வருகிறது.

நடிகர் விஜய்

விஜய் - லோகேஷ் கூட்டணியில் உருவான லியோ படம் கடந்த அக்டோபர் 19 ஆம் தேதி வெளியாகி கலவையான விமர்சனங்களை பெற்றாலும் கோடிக்கணக்கான வசூலை குவித்தது.

இந்த படப்பிடிப்பு நடந்து கொண்டிருந்த போதே, விஜய்யின் அடுத்த படமான தளபதி 68 குறித்த அப்டேட் வந்தது.

‘கண்ணா ஒரே நேரத்தில் ரெண்டு லட்டு திண்ண ஆசையா’என்பது போல் விஜய் ரசிகர்களுக்கு இந்த செய்தி அமைந்தது.

லியோ மீதான ஹைப் குறைந்தவுடன் தளபதி 68 படத்தின் பூஜை நடந்தது. அதன் பின் படக்குழுவினர் பற்றிய தகவல் பூஜை வீடியோவுடன் வெளியானது.

அதற்கு அடுத்து, முதல் கட்ட படப்பிடிப்பிற்காக பேங்காக்கிற்கு பறந்து சென்றது படக்குழு. நவம்பர் 7 ஆம் தேதியன்று பிறந்தநாள் கண்ட தளபதி 68 இயக்குநரான வெங்கட் பிரபுவின் பர்த்டே பார்ட்டியும் அங்கு நடந்தது. படத்திற்கு முக்கியமான ஸ்டண்ட் காட்சிகள் படம்பிடிக்கப்பட்டதாக அர்ச்சனா கல்பாத்தி எக்ஸ் தளத்தில் பதிவிட்டு இருந்தார்.

முதல் கட்ட படப்பிடிப்பு முடிந்த கையுடன் அங்கிருந்து சென்னைக்கு திரும்பியுள்ளார் விஜய். இதனால் மக்கள் தளபதி 68 எனும் ஹேஷ்டேகை ட்ரெண்ட் செய்து வருகின்றனர். அத்துடன் நடிகர் விஜய்யின் தளபதி 68 திரைப்படம் லூப்பர் திரைப்படத்தின் ரீமேக் தான் என கோலிவுட் வட்டாரத்தில் தகவல்கள் பரவி வருகின்றன.