Moon Bin: இளம் வயதில் உயிரிழந்த பிரபல பாடகர் ‘மூன் பின்’..ரசிகர்களின் கண்ணீர் பதிவால் நிரம்பிய ட்விட்டர்!

Moon Bin: தென் கொரிய இசைக்கலைஞர் மூன் பின் தனது 25ஆவது வயதில் உயிரிழந்துள்ளார்.

தென்கொரிய பாடகர் மூன் பின் உயிரிழப்பு

தென் கொரிய இசைக்குழுவான ஆஸ்ட்ரோவின் முக்கியமான பாடகர், மூன் பின்.

நடிகராகவும் பாடகராகவும் மாடலாகவும் பன்முகத் திறமை கொண்ட இவர், நேற்று உயிரிழந்துள்ளார்.

பிரபலமான பல கொரியன் தொடர்களில் நடித்து புகழ் பெற்றவர் இவர்.

இந்தியாவிலும் இவருக்கு பல லட்சம் ரசிகர்கள் உள்ளனர்.

சியோல் நகரில் உள்ள மூன் பின், அவரது வீட்டில் சடலமாக கண்டெடுக்கப்பட்டுள்ளார்.

இவர், தற்கொலை செய்து கொண்டிருக்கலாம் என போலீசாரின் தரப்பில் கூறப்படுகிறது.

மூன் பினின் இறப்பு, அவரது ரசிகர்களை அதிர்ச்சிக்குள்ளாக்கியுள்ளது.

கே-பாப் ரசிகர்கள் பலர் மூன் பின் புகைப்படத்தை வைத்து அவருக்கு நினைவஞ்சலி நடத்தி வருகின்றனர்.

இன்னும் பலர், இறந்த பாடகருக்கு கடிதம் எழுதி ட்விட்டர் உள்ளிட்ட சமூக வலைதளங்களில் கண்ணீர் பதிவுகளை வெளியிட்டு வருகின்றனர்.