Sivakarthikeyan 23 : சிவகார்த்திகேயன் இந்த முறை யாருடன் கைகோர்க்கிறார் தெரியுமா?

Sivakarthikeyan 23 : அயலான், எஸ்.கே 21 வரிசையில் சிவகார்த்திகேயன் புது படம் ஒன்றில் கமிட் ஆகியுள்ளார்

ஏஆர் முருகதாஸ் - சிவகார்த்திகேயன்

குழந்தைகள் முதல் பெரியவர்கள் வரை அனைவரையும் கவர்ந்துள்ள சிவகார்த்திகேயன் கடைசியாக ‘மாவீரன்’ படத்தில் நடித்திருந்தார்.

இதன் பின், இவர் நடிப்பில் உருவாகி வரும் அயலான் படம் தீபாவளிக்கு வெளியாகும் என முதலில் அறிவிக்கப்பட்டது. பின், கிராபிக்ஸ் பணிகள் அதிகம் இருக்கும் காரணமாக 2024 ஆம் ஆண்டு பொங்கலுக்கு வெளியாகும் என தெரிவிக்கப்பட்டுள்ளது.

அதனையடுத்து, நடிகர் கமல்ஹாசன் தயாரிப்பில் ராஜ்குமார் பெரியசாமி இயக்கத்திலும் ஒரு படத்தில் சிவகார்த்திகேயன் நடித்து முடித்துள்ளார்.

இந்த நிலையில் அவரின் அடுத்தப்படம் தொடர்பான அறிவிப்பு வெளியாகியுள்ளது. முதல்முறையாக ஏ.ஆர்.முருகதாஸ் - சிவகார்த்திகேயன் கூட்டணி இணைந்துள்ளது.

ஏ.ஆர்.முருகதாஸின் பிறந்தநாளையொட்டி, சிவகார்த்திகேயன் அவருக்கு வாழ்வு தெரிவித்தார். “இனிய பிறந்தநாள் வாழ்த்துகள் முருகதாஸ் சார். உங்களுடன் என்னுடைய 23வது படத்தில் இணைவது மிகுந்த மகிழ்ச்சியளிக்கிறது. நீங்கள் கூறிய கதையை கேட்டபின் என்னுடைய மகிழ்ச்சி இரட்டிப்பாகியுள்ளது. இந்த படம் எனக்கு எல்லா விதங்களிலும் மிகவும் சிறப்பு வாய்ந்ததாக இருக்கும். மேலும் படப்பிடிப்பை தொடங்க ஆவலுடன் காத்திருக்கிறேன்” என்ற கேப்ஷன் சிவகார்த்திகேயனின் போஸ்ட்டில் இடம்பெற்றுள்ளது.

சிவகார்த்திகேயன் மற்றும் ஏ.ஆர்.முருகதாஸிற்கு பலரும் வாழ்த்துகளை தெரிவித்து வருகின்றனர்.