DD Returns Review : டைமிங் டயலாக்குகளால் அப்ளாஸ் அள்ளும் சந்தானம்..டிடி ரிட்டர்ன்ஸ் படத்தின் குட்டி விமர்சனம் இங்கே!

DD Returns Review : தில்லுக்கு துட்டு படத்தின் 3வது பாகமான டிடி ரிட்டர்ன்ஸ் படத்தின் குட்டி விமர்சனத்தை இங்கு காணலாம்.

டிடி ரிட்டர்ன்ஸ் போஸ்டர்

பிரேம் ஆனந்த் இயக்கியுள்ள டிடி ரிட்டர்ன்ஸ் படத்தில் சந்தானம்,சுர்பி, ரெடின் கிங்ஸ்லி, மாறன், பிரதீப் ராவத், மாசூம் சங்கர்,டைகர் தங்கதுரை, மொட்ட ராஜேந்திரன், முனிஷ்காந்த், பெப்சி விஜயன் உள்ளிட்ட பலரும் நடித்துள்ளனர். தில்லுக்கு துட்டு படத்தின் 3வது பாகமான டிடி ரிட்டர்ன்ஸ் படத்தின் விமர்சனத்தை காணலாம்.

முன்னொரு காலத்தில் பாண்டிச்சேரியில் ஊருக்கு ஒதுக்குப்புறமாக ஒரு பங்களா.. அங்கே சூதாட்டத்தை தொழிலாக கொண்டு போட்டியில் தோற்பவர்களை கொலை செய்யும் குடும்பத்தினர் ஊர் மக்களால் எரித்து கொல்லப்படுகிறார்கள். சந்தர்ப்ப சூழ்நிலையில் படத்தில் உள்ள அனைத்து கதாபாத்திரங்களும் பங்களாவில் தஞ்சம் புகுகின்றனர்.