Movie Review: தெறிக்கவிட்ட தசரா..பத்தாத பத்து தல..சர்ப்ரைஸ் கொடுத்த போலா...இன்று ரிலீஸான படங்களின் விமர்சனம்!

Movie Review: சிலம்பரசன் நடித்துள்ள பத்து தல, நானி நடித்துள்ள தசரா மற்றும் அஜய் தேவ்கன் நடித்துள்ள போலா ஆகிய படங்கள் இன்று வெளியாகியுள்ளதை தொடர்ந்து அவற்றிற்கான விமர்சனங்களை பார்க்கலாம்.

பத்து தல, தசரா & போலா படங்களின் திரை விமர்சனம்

சிம்பு நடிப்பில் இன்று வெளியாகியுள்ள பத்து தல திரைப்படம் கலவையான விமர்சனங்களை ரசிகர்களிடமிருந்து பெற்று வருகிறது

படத்தின் முதல் பாதி மிகவும் மெதுவாக செல்வதாகவும் அடுத்த பாதி அதை விட மோசமாக செல்வதாகவும் ரசிகர்கள் ட்விட்டர் உள்ளிட்ட சமூக வலைதளங்களில் கூறி வருகின்றனர்

நானியின் நடிப்பில் வெளியாகியுள்ள ‘தசரா’ திரைப்படம் பெரும்பாலும் பாசிடிவான விமர்சனங்களையே பெற்று வருகிறது

தசரா படம், ஆரம்பத்தில் மெதுவாக சென்றாலும் போகப்போக வேகமெடுத்து படம் பார்ப்பவர்களை வியக்க வைப்பதாக கூறப்படுகிறது. அதிலும் கடைசி 20 நிமிடங்களில் நானி, தனது நடிப்பில் தெறிக்கவிட்டிருப்பதாகவும் ரசிகர்கள் தங்களது விமர்சனங்களை பதிவிட்டு வருகின்றனர்

கைதி படத்தின் இந்தி ரீ-மேக் ஆன போலா படமும் இன்று வெளியாகியுள்ளது. இப்படத்தை அஜய் தேவ்கன் இயக்கி நடித்திருந்தார்

வேறொரு படத்தின் ரீ-மேக் ஆக இருந்தாலும் அதை பாலிவுட் ரசிகர்களுக்கு ஏற்றார் போல் அஜய் தேவ்கன் மாற்றியுள்ளதாக ரசிகர்கள் கூறி வருகின்றனர். சிலர் இந்த மாற்றங்களை வரவேற்றாலும், ஒரு சிலர் படம் மிகவும் மோசமாக இருப்பதாக பதிவிட்டு வருகின்றனர்

மொத்தத்தில் பெரிதளவில் எதிர்பார்க்கப்பட்ட இந்த மூன்று படங்களும் ரசிகர்களிடையே கலவையான விமர்சனங்களை பெற்றுள்ளது

சூரி, முதன் முறையாக நடித்துள்ள விடுதலை திரைப்படம் நாளை வெளியாகிறது. வெற்றிமாறன் இயக்கியுள்ள இப்படத்தினை ரசிகர்கள் பெருமளவில் எதிர்பார்த்து காத்துக்கொண்டுள்ளனர்