PS 2 Box Office Collection : வென்றதா சோழ தேசம்..பொன்னியின் செல்வன் குவித்த முதல் நாள் வசூல் எவ்வளவு?

பொன்னியின் செல்வன் 2, இரண்டாம் நாளில் 25 கோடி ரூபாயை வசூல் செய்யும் என்ற எதிர்ப்பார்க்கப்படுகிறது.

பொன்னியின் செல்வன் 2 படத்தின் ஸ்டில்

கல்கியின் பொன்னியின் செல்வன் நாவலை தழுவி மணிரத்தினத்தின் புதியதொரு காவியம் இரண்டு பாகங்களாக எடுக்கப்பட்டது.

முதல் பாகம் செப்டம்பர் மாதம் வெளியான பின் இரண்டாம் பாகம் 9 மாதங்கள் கழித்து ஏப்ரல் மாதத்தின் இறுதியில் வெளியாகியுள்ளது.

இப்படத்தை முதல் நாள் முதல் காட்சியில் பார்த்தவர்கள் பாசிட்டிவான விமர்சனங்களை கொடுக்க, அடுத்தடுத்த காட்சிகளை பார்த்த மக்கள் கடும் விமர்சனங்களை முன் வைத்தனர்.

இரண்டாம் பாகத்தை விட, முதல் பாகமே பரவாயில்லை என்றும் அதிகமாக வசனம் பேசுகிறார்கள் என்றும் எடிட்டிங் சரியில்லை என்றும் இரண்டு பாடல்கள் மட்டுமே நன்றாக இருக்கிறது என்றும் தெரிவித்தனர்.

தற்போது இப்படத்தின் முதல் நாள் வசூல் குறித்த தகவல் வெளியாகியுள்ளது. முதல் நாளில் சுமார் 25 கோடியே 45 லட்ச ரூபாயை வசூல் செய்துள்ளது என்ற தகவல் வந்துள்ளது.

இது இரண்டாம் நாளில் 25 கோடி ரூபாயை வசூல் செய்யும் என்ற எதிர்ப்பார்க்கப்படுகிறது. இதுவரை, லைகா நிறுவனம் பொன்னியின் செல்வன் 2வின் முதல் நாள் வசூலை வெளியிடவில்லை என்பது குறிப்பிடதக்கது.