Jigarthanda Double X : பாராட்டுகளை குவித்து வரும் கார்த்திக் சுப்பராஜின் ஜிகர்தண்டா படம்!

Jigarthanda Double X : நவம்பர் 10 ஆம் தேதி வெளியான ஜிகர்தண்டா டபுள் எக்ஸ் படத்தை பலரும் பாராட்டி வருகின்றனர்.

ஜிகர்தண்டா டபுள் எக்ஸ் படத்தின் ஸ்டில்

இந்த ஆண்டின் தீபாவளி பண்டிகையையொட்டி ஜிகர்தண்டா டபுள் எக்ஸ், ஜப்பான் ஆகிய இரு படங்கள் நவம்பர் 10 ஆம் தேதி வெளியானது.

இரண்டு படங்களின் மீது பெரும் எதிர்பார்ப்பு இருந்த நிலையில், கார்த்திக் சுப்பராஜின் ஜிகர்தண்டா 2 அனைவரின் கவனத்தையும் ஈர்த்தது. ரசிகர்களுக்கு முழுமையான சினிமா உணர்வை கொடுத்து, திரையரங்குகளில் வசூலை குவித்து வருகிறது.

யானைகள், வாய்வழி கதைகள், காட்டில் வாழும் மக்கள், அரசியல், சினிமா என அனைத்தையும் ஒன்றுடன் ஒன்று தொடர்புபடுத்தி மக்களை ஒரே சமயத்தில் ரசிக்கவும் சிந்தக்கவும் வைத்துள்ளது.

பின்னணி இசை, ஒளிப்பதிவு, ஒப்பனை ஆகிய விஷயங்களை கலை நயத்துடன் செய்ததே படத்தின் பெரும் பிளஸ்.

ரஜினியை ரெஃபரன்ஸாக வைத்து இந்திய சினிமாவின் முதல் கருப்பு ஹீரோ என்ற டேக் லைனுடன் உருவான இப்படத்தை பார்த்த நடிகர் ரஜினிகாந்த், கார்த்திக் சுப்பராஜ் மற்றும் படக்குழுவினரை பாராட்டி பதிவிட்டுள்ளார். அத்துடன் ஜிகர்தண்டா டபுள் எக்ஸ் குழுவினர் ரஜினியை நேரில் சந்தித்து வாழ்த்துகளை பெற்றுள்ளனர்.

இதனை தொடர்ந்து மதுரை, திருச்சி ஆகிய இடங்களுக்கு பயணம் மேற்கொண்டு வரும் படக்குழுவினர் பிசியாக பேட்டி கொடுத்து வருகின்றனர்.