Rajinikanth Kamal Haasan : நினைத்தாலே இனிக்கும் நட்பு... 21 ஆண்டுகளுக்கு பிறகு ஒரே ஸ்டியோவில் நடக்கும் ஷூட்டிங்!

Rajinikanth Kamal Haasan : ஸ்டுடியோவில் சந்தித்துக்கொண்ட ரஜினி-கமலின் புகைப்படங்கள் இணையத்தை ஆள்கிறது.

கமல்ஹாசன் - ரஜினிகாந்த்

எம்.ஜி.ஆர் - சிவாஜி எனும் இருபெரும் சகாப்தங்களுக்கு பிறகு கோலிவுட்டின் சிம்மாசனத்தை அலங்கரித்த இருநடிகர்களான கமலும்- ரஜினியும் ஹீரோவாக தங்கள் பயணத்தை கே.பாலசந்தரின் அபூர்வ ராகங்கள் படம் மூலம் தொடங்கினர்.

இருவரும் இணைந்து மூன்று முடிச்சு, அவள் அப்படித்தான், 16 வயதினிலே, அவர்கள், ஆடு புலி ஆட்டம், இளமை ஊஞ்சல் ஆடுகிறது, தப்புத் தாளங்கள், தாயில்லாமல் நானில்லை, நினைத்தாலே இனிக்கும், அலாவுதீனும் அற்புத விளக்கும், நட்சத்திரம், அந்துலேனி கதா, கெராஃப்தார் ஆகிய படங்களில் நடித்துள்ளனர்.

க்ளாஸான கமலுக்கும் மாஸான ரஜினிக்கும் பல ரசிகர்கள் உருவாக, இருவரும் தனித்தனியாக படம் நடிக்க ஆரம்பித்தனர்.

அவர்களின் ஸ்டைலில் பல படங்களில் நடித்துள்ளனர்.இன்றும் நடித்து வருகின்றனர்...

தற்போது, உலகநாயகன் என்று அழைக்கப்படும் கமல் ஹாசனும் சூப்பர் ஸ்டார் என்று அழைக்கப்படும் ரஜினிகாந்தும் ஷூட்டிங்கிற்காக சென்னை வடபழனியில் உள்ள பிரசாத் ஸ்டுடியோஸிற்கு வந்துள்ளனர்.

இந்த இடத்தில் 21 ஆண்டுகள் கழித்து அவரவர்களின்(இந்தியன் 2, தலைவர் 170) பட ஷூட்டிங்கிற்காக வந்துள்ளனர். அவர்கள் இருவரும் சந்தித்த போது எடுக்கப்பட்ட புகைப்படங்களை லைகா தயாரிப்பு நிறுவனம் பகிர்ந்துள்ளது .