HBD Pandiraj : சோபி கண்ணு... பசங்க இயக்குநர் பாண்டிராஜிற்கு இன்று பிறந்தநாள்!

பிறந்தநாள் காணும் பசங்க இயக்குநர் பாண்டிராஜிற்கு பலரும் வாழ்த்துகளை தெரிவித்து வருகின்றனர்.

இயக்குநர் பாண்டிராஜ்

ஆரம்ப கால கட்டத்தில், இயக்குநர் கே பாக்யராஜிடம் அலுவலகத்தில் பணியாற்றி வந்தார் பாண்டிராஜ். சினிமா மீது ஆசை கொண்டிருந்த அவர், சிறுகதைகளையும் எழுதி வந்தார்.

பின் சேரன், தங்கர் பச்சன், சிம்பு தேவன் ஆகிய இயக்குநர்களுக்கு உதவி இயக்குநராக பணி புரிந்தார்.

அவர் முதன் முதலாக இயக்கிய பசங்க படம் மக்களிடம் நல்ல வரவேற்பை பெற்றது. விடுமுறை நாட்களிலும், வார இறுதிநாட்களிலும் பசங்க படத்தின் ஷூட் நடத்தப்பட்டது.

சிறந்த படத்திற்கான தேசிய விருதையும், சிறந்த திரைக்கதைக்கான தேசிய விருதையும் வென்றது. அத்துடன் தமிழ் நாடு அரசு விருதுகளையும் பசங்க படம் பெற்றது.

வம்சம், மெரினா, கேடி பில்லா கில்லாடி ரங்கா, பசங்க 2, இது நம்ம ஆளு, கதகளி, கடைக்குட்டி சிங்கம், நம்ம வீட்டு பிள்ளை, எதற்கும் துணிந்தவன் ஆகிய படங்களை இயக்கியுள்ளார்.

குடும்ப செண்டிமெண்ட், விவசாயத்தை பற்றிய கருத்து, கிராமத்து மக்களின் வாழ்க்கையை பற்றி விவரிக்கும் இயக்குநர் பாண்டிராஜிற்கு பிறந்தநாள் வாழ்த்துகள்.