Captain Miller Teaser : அரைத்த மாவை அரைக்கும் தமிழ் சினிமா..எப்படி இருக்கு கேப்டன் மில்லர் டீசர்?

Captain Miller Teaser Review : இப்போது கைக்கொடுக்கும் விண்டேஜ் காலாகட்ட கதைகளின் வரிசையில் தனுஷின் கேப்டன் மில்லர் இணையப் போகிறது என்பது பெரும் ஆச்சரியத்தை ஏற்படுத்தவில்லை.

கேப்டன் மில்லர் தனுஷ்

அருண் மாதேஸ்வரன் இயக்கும் கேப்டன் மில்லர் படத்தில் தனுஷ், சிவராஜ்குமார், சுந்தீப் கிஷான், பிரியங்கா மோகன் ஆகியோர் நடித்துள்ளனர்.கேப்டன் மில்லரின் டீசரானது நடிகர் தனுஷின் பிறந்தநாளையொட்டி, இரவு 12:01 மணிக்கு வெளியானது. இந்த டீசரின் குட்டி விமர்சனத்தை இங்கு காணலாம்.

தனுஷிற்கு பிறந்தநாள் வாழ்த்து தெரிவித்து ஆரம்பிக்கும் இந்த டீசரில் எடுத்தவுடன் வரும் பின்னணி இசை கே.ஜி.எஃபை நினைவுக்கு கொண்டு வருகிறது. பிரசாந்த் நீலின் படம் பார்த்ததால் என்னவோ தெரியவில்லை, பார்க்கும் அனைத்து படமும் அதையே கண் முன் நிறுத்துகிறது.