RIP Cheems : விடைபெற்றார் மீம்ஸ் நாயகன் சீம்ஸ்..சோகத்தில் ஆழ்ந்த நெட்டிசன்கள்!

RIP Cheems : சமூக வலைதளங்களில் ட்ரெண்டாகி வந்த சீம்ஸ் நாய் நேற்று உயிரிழந்ததாக சீம்ஸின் உரிமையாளர் தெரிவித்துள்ளார்.

சீம்ஸ்

நீங்கள் சமூக வலைதளங்களில் ஆக்டிவாக இருப்பவர் என்றால் உங்களுக்கு சீம்ஸை நிச்சயமாக தெரிந்திருக்கும்.

ஷிபா இனத்தை சேர்ந்த பால்ட்சீ என்ற நாய் சீம்ஸ் என்ற பெயரால் மீம்ஸ்கள் மூலம் உலகம் முழுவதும் பிரபலம் அடைந்தது.

ஜப்பானை சேர்ந்த சீம்ஸ் கடந்த சில மாதங்களாகவே உடல்நல பிரச்சனையால் அவதியுற்று வந்தது.

16 வயதான சீம்ஸிற்கு நேற்று தோராசென்டெசிஸ் அறுவை சிகிச்சை நடைபெற்ற போது உயிரிழந்து விட்டது.

இந்த செய்தியை சீம்ஸின் உரிமையாளர்கள் “சீம்ஸ் இனி கண் விழிக்காது, நாங்கள் செய்ய விரும்பிய சிகிச்சை செய்ய தாமதமாகி விட்டது” என்று உருக்கமாக பதிவிட்டுள்ளனர்.

இந்த செய்தியை அறிந்த நெட்டிசன்கள் சீம்ஸிற்கு இரங்கல் தெரிவித்து மீம்ஸ் போட்டு வருகின்றனர்.