Bhavadharini : மறைந்த பாடகி பவதாரிணிக்கு இரங்கல் தெரிவித்த பிரபலங்கள்....

Bhavadharini : மறைந்த பின்னணி பாடகி பவாதாரிணிக்கு திரை பிரபலங்கள் பலரும் இரங்கலை தெரிவித்துள்ளனர்.

பவதாரிணி

இசைஞானி இளையராஜாவின் மகளும் பின்னணி பாடகி மற்றும் இசையமைப்பாளரான பவதாரிணி, புற்றுநோயால் நேற்று (ஜனவரி 25) காலமானார். திரை பிரபலங்கள் பலரும் அவரின் மறைவுக்கு இரங்கலை தெரிவித்துள்ளனர்.

"மனம் பதைக்கிறது. அருமைச் சகோதரர் இளையராஜாவைத் தேற்ற என்ன செய்வதென்று தெரியவில்லை. அவர் கைகளை மானசீகமாக பற்றிக்கொள்கிறேன். பவதாரிணியின் மறைவு பொறுத்துக்கொள்ளவோ ஏற்றுக்கொள்ளவோ முடியாத ஒன்று. இந்தப் பெருந்துயரில் என் சகோதரர் இளையராஜா மனதை இழக்காதிருக்க வேண்டும். பவதாரிணியின் குடும்பத்தாருக்கு என் நெஞ்சார்ந்த இரங்கல்" - நடிகர் கமல்ஹாசன்.