Demonte Colony 2 Update : இருளை நோக்கிய பயணத்தில் அழைத்து செல்ல காத்திருக்கும் டிமாண்டி காலனி 2.. அப்டேட்டிற்க்காக காத்திருக்கிம் ரசிகர்கள்!

Demonte Colony 2 Update : அருள்நிதி நடிப்பில் வெளியாகி ரசிகர்கள் மத்தியில் மாபெரும் வெற்றி பெற்ற படம் டிமாண்டி காலனி. இப்படத்தின் இரண்டாம் பாகம் குறித்தான அப்டேட் இன்று மாலை வெளியாகிறது.

டிமாண்டி காலனி 2

கடந்த 2015 ஆம் ஆண்டு அறிமுக இயக்குநர் அஜய் ஞானமுத்து இயக்கத்தில் வெளியான திரைப்படம்தான் டிமாண்டி காலனி.

இந்த படத்தில் அருள்நிதி ஹீரோவாக நடித்திருந்தார்.இந்த படம் பிளாக் பஸ்டர் ஹிட் ஆனது.

இப்படத்தின் வெற்றியை தொடர்ந்து இரண்டாம் பாகம் உருவாகும் என எதிர்பார்க்கப்பட்ட நிலையில் கடந்த வருடம் டிசம்பர் மாதம் இப்படத்தின் இரண்டாம் பாகம் பற்றிய அறிவிப்பை வெளியிட்டார் இயக்குநர் அஜய் ஞானமுத்து.

டிமான்டி காலனி 2 திரைப்படத்தில் அருள்நிதி, பிரியா பவானி சங்கர், அருண் பாண்டியன், மீனாக்‌ஷி கோவிந்தராஜன் ஆகியோர் நடிக்கின்றனர்.

தற்போது இப்படம் குறித்தான வீடியோ காட்சி ஒன்றை படக்குழு இன்று மாலை 5 மணியளவில் வெளியிட திட்டமிட்டுள்ளது.

இந்த அறிவிப்பு வந்ததில் இருந்து டிமாண்டி காலனி படத்தின் ரசிகர்கள் டிவிட்டரில் டிமான்டி காலனி 2 என்ற ஹேஷ்டேகை ட்ரெண்ட் செய்து வருகின்றனர்.