Jailer Song Release : எல்லைகளை தாண்டி வைரலாகும் காவாலா பாடல்.. தொடர்ந்து விருந்து வைக்கும் ஜெயிலர் படக்குழு!

நடிகர் ரஜினி நடிப்பில் உருவாகியுள்ள ஜெயிலர் படத்தின் காவாலா பாடலுடைய தெலுங்கு மற்றும் ஹிந்தி வெர்ஷன் வெளியாகவுள்ளது.

ஜெயிலர் பாடல்கள்

நெல்சன் இயக்கத்தில் ரஜினி நடித்துள்ள படம் ஜெயிலர். சன் பிக்சர்ஸ் நிறுவனம் தயாரிக்கும் ஜெயிலர் படத்திற்கு அனிருத் இசை அமைத்துள்ளார்.

இப்படத்தின் முதல் பாடல் ‘காவாலா’ வெளியாகி உலகமெங்கும் சூப்பர் ஹிட் ஆனது.

அதைதொடர்ந்து, இப்படத்தின் இரண்டாவது பாடல் ஹூக்கும் வெளியானது. இப்பாடல் ரஜினியின் இத்தனை ஆண்டுகால கெத்தை காட்டும் வகையில் அமைந்து ரசிகர்களிடையே பெரும் வரவேற்பை பெற்றது.

இதனையடுத்து ‘காவாலா’பாடலின் தெலுங்கு வெர்ஷனான ‘காவாளி’ எனும் பாடலை தெலங்கானாவில் இருக்கும் தனியார் கல்லுரியில் வைத்து வெளியிட படக்குழு திட்டமிட்டது. ஆனால், மழையின் காரணமாக இந்நிகழ்ச்சி ரத்து செய்யப்பட்டது. இருப்பினும், இப்பாடல் இணையத்தில் 4 மணிக்கு வெளியாகும் என சன் பிக்சர்ஸ் அறிவித்துள்ளது.

அதேபோல், காவாலா பாடலின் ஹிந்தி வெர்ஷனான ‘து ஆ தில்பாரா’ பாடலை மும்பையில் உள்ள பிவிஆர் ஐகானில் நாளை (ஜூலை 27) வெளியிட திட்டமிடப்பட்டுள்ளது.

அதுமட்டுமல்லாமல், ஜெயிலர் படத்தின் மூன்றாவது சிங்கிள் ‘ஜு ஜு பி’ இன்று மாலை 6 மணிக்கு வெளியாகவுள்ளது.