TN Weather: தமிழ்நாட்டில் அதிகபட்சமாக திருவள்ளூரில் 112 டிகிரி செல்சியஸ் வெப்பநிலை
TN Weather: தமிழ்நாட்டில் அதிகபட்சமாக திருவள்ளூரில் 112 டிகிரி செல்சியஸ் வெப்பநிலை பதிவாகியுள்ளதாக அறிவிப்பு வெளியாகியுள்ளது.
தமிழ்நாட்டில் அதிகபட்சமாக திருவள்ளூரில் 112 டிகிரி செல்சியஸ் வெப்பநிலை பதிவாகியுள்ளதாக அறிவிப்பு வெளியாகியுள்ளது.
தமிழ்நாட்டில் வெப்பநிலை:
தமிழ்நாட்டில் இன்று பல்வேறு பகுதிகளில் வெயில் சுட்டெரித்ததால், மக்கள் மிகவும் அவதிக்குள்ளாகினர். திருவண்ணாமலையில் 106 டிகிரி ஃபாரான்ஹீட் வெப்பநிலை பதிவாகியது. ஈரோட்டில் 106 டிகிரி பாரன்ஹீட் வெப்பநிலை பதிவானது. ஈரோட்டில் 105 டிகிரி பாரன்ஹீட் வெப்பநிலை பதிவானது. திருத்தணியில் 108 டிகிரி பாரன்ஹீட் வெப்பநிலை பதிவானது. வேலூரில் 111 டிகிரி பாரான்ஹீட் வெப்பநிலை பதிவானது.
வானிலை:
இந்நிலையில், வானிலை மையம் தெரிவித்ததாவது, தென்தமிழக பகுதிகளின் மேல் ஒரு வளிமண்டல கீழடுக்கு சுழற்சி நிலவுகிறது. இதன் காரணமாக, இன்று தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
நாளை, தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
நீலகிரி, கோயம்புத்தூர் மாவட்ட மலைப்பகுதிகள், திருப்பூர், தேனி, திண்டுக்கல், ஈரோடு, கிருஷ்ணகிரி, தர்மபுரி மற்றும் சேலம் மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
நாளை மறுநாள், தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
நீலகிரி, கோயம்புத்தூர் மாவட்ட மலைப்பகுதிகள், திருப்பூர், தேனி, திண்டுக்கல், ஈரோடு, கிருஷ்ணகிரி, தர்மபுரி, சேலம், திருப்பத்தூர் மற்றும் வேலூர் மாவட்டங்களில் ஓரிரு இடங்களில் கனமழை பெய்யவாய்ப்புள்ளது.
ஜூன் 3ஆம் தேதி, தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும்.
ஜூன் 4 ஆம் தேதி முதல் 6 ஆம் தேதி வரை, தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
அடுத்த ஐந்து தினங்களுக்கான அதிகபட்ச வெப்பநிலை பற்றிய முன்னறிவிப்பு:
31.05.2024:
அதிகபட்ச வெப்பநிலை, தமிழகத்தில் ஒருசில பகுதிகளில் இயல்பை விட 2-3° செல்சியஸ் அதிகமாகவும்; தமிழ்நாட்டின் இதர பகுதிகள், புதுவை மற்றும் காரைக்கால் பகுதிகளில் இயல்பை ஒட்டியும் இருக்கக்கூடும்.
01.06.2024 முதல் 04.06.2024 வரை:
அதிகபட்ச வெப்பநிலை, தமிழகம், புதுவை மற்றும் காரைக்கால் பகுதிகளில் (1-3° செல்சியஸ்) குறைந்து, இயல்பை ஒட்டியும்/இயல்பை விட சற்று அதிகமாகவும் இருக்கக்கூடும்.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 41° செல்சியஸை ஒட்டியும், குறைந்தபட்ச வெப்பநிலை 30-31° செல்சியஸை ஒட்டியும் இருக்கக்கூடும்.
அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 40-41° செல்சியஸை ஒட்டியும், குறைந்தபட்ச வெப்பநிலை 30-31° செல்சியஸை ஒட்டியும் இருக்கக்கூடும்.
அதிகபட்ச வெப்பநிலை திருத்தணியில் 42.5° செல்சியஸ் பதிவாகியுள்ளது. அதேபோல், அதிகபட்ச வெப்பநிலை சென்னை மீனம்பாக்கத்தில் 41.9° செல்சியஸ் (+3.3° செல்சியஸ்) மற்றும் நுங்கம்பாக்கத்தில் 40. 1° செல்சியஸ் (+2.2° செல்சியஸ்) பதிவாகியுள்ளது என வானிலை மையம் தெரிவித்துள்ளது.
Also Read: யானை தந்தம் கடத்த முயன்ற 6 பேர் கைது ; சினிமா பாணியில் சேசிங் செய்து பிடித்த போலீஸ்!
தலைப்பு செய்திகள்
ட்ரெண்டிங் செய்திகள்
