Weather Update : “அடுத்த இரண்டு நாட்களுக்கு வானிலை எப்படி இருக்கும்” எங்கே மழை ? எங்கே வெயில்..? இதோ அப்டேட்!
சென்னை : அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசானது / மிதமான மழை பெய்ய வாய்ப்புள்ளது
செப்டம்பர் மாதம் வெயில் குறைந்து மழை பெய்யத் தொடங்கும் என நினைத்துக்கொண்டிருக்கும் நிலையில், வழக்கத்திற்கு மாறாக பல இடங்களில் வெயில் அக்னி நட்சத்திர காலம் போல அடித்துக்கொண்டிருக்கிறது. நேற்று சென்னையில் கோடையில் அடிக்கும் வெயில் போல உக்கிரம் காட்டியது. இந்நிலையில், அடுத்த இரண்டு நாட்களுக்கு தமிழ்நாட்டில் வானிலை எப்படி இருக்கும் என்ற அப்டேடை வானிலை ஆய்வு மையம் கொடுத்துள்ளது.
வானிலை ஆய்வு மையம் சொல்வது என்ன ?
கடந்த 24 மணி நேரத்திற்கான வானிலை தொகுப்பு: வடதமிழகத்தில் ஓரிரு இடங்களில் மழை பெய்துள்ளது. தென்தமிழகம், புதுவை மற்றும் காரைக்கால் பகுதிகளில் வறண்ட வானிலை நிலவியது.
கடந்த 24 மணி நேரத்தில் பதிவான மழை அளவு (சென்டிமீட்டரில்):
பொன்னை அணை (வேலூர்) 10, மண்டலம் 03 மாதவரம் (சென்னை) 7, R.K.பேட்டை ARG (திருவள்ளூர்), மண்டலம் 06 D65 கொளத்தூர் (சென்னை), ஆர்.கே.பேட்டை (திருவள்ளூர்) தலா 4, மண்டலம் 06 திரு.வி.க.நகர் (சென்னை), திருத்தணி AWS (திருவள்ளூர்), திருத்தணி PTO (திருவள்ளூர்), பெரம்பூர் (சென்னை), திருத்தணி (திருவள்ளூர்), மண்டலம் 03 புழல் (சென்னை), மண்டலம் 07 U18 D81 வானகரம் (சென்னை), மண்டலம் 02 மணலி (சென்னை), மண்டலம் 07 அம்பத்தூர் (சென்னை), வில்லிவாக்கம் ARG (திருவள்ளூர்) தலா 3, மண்டலம் 01 கத்திவாக்கம் (சென்னை), CD மருத்துவமனை தண்டையார்பேட்டை (சென்னை) தலா 2, மண்டலம் 02 D15 மணலி (சென்னை), புழல் ARG (திருவள்ளூர்), மண்டலம் 01 திருவொற்றியூர் (சென்னை), மண்டலம் 08 மலர் காலனி (சென்னை), மண்டலம் 08 அண்ணாநகர் (சென்னை), ஊத்துக்கோட்டை (திருவள்ளூர்), மண்டலம் 05 ராயபுரம் (சென்னை), சென்னை ஆட்சியர் அலுவலகம் (சென்னை), மண்டலம்1 U32 மதுரவாயல் (சென்னை), பொன்னேரி (திருவள்ளூர்), கும்மிடிப்பூண்டி (திருவள்ளூர்), அயனாவரம் தாலுகா அலுவலகம் (சென்னை) தலா 1.
கடந்த 24 மணி நேரத்தில் பதிவான வெப்பநிலை (சமவெளிப்பகுதிகள்):
அதிகபட்ச வெப்பநிலை :- மதுரை விமான நிலையம்: 40.3 ° செல்சியஸ்
குறைந்தபட்ச வெப்பநிலை :- ஈரோடு: 19.0 ° செல்சியஸ்
அடுத்த ஏழு தினங்களுக்கான வானிலை முன்னறிவிப்பு மற்றும் எச்சரிக்கை:
மேற்கு திசை காற்றின் வேகமாறுபாடு காரணமாக,19.09.2024 மற்றும் 20.09.2024: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
21.09.2024 முதல் 25.09.2024 வரை: தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.
தமிழகத்தில் அடுத்த 2 தினங்களுக்கு (19.09.2024 மற்றும் 20.09.2024) அதிகபட்ச வெப்பநிலை ஒருசில இடங்களில் 2°- 4° செல்சியஸ் இயல்பை விட அதிகமாக இருக்கக்கூடும்.
அதிக வெப்பநிலை மற்றும் அதிக ஈரப்பதம் இருக்கும் பொழுது ஓரிரு இடங்களில் அசௌகரியம் ஏற்படலாம்.
சென்னை மற்றும் புறநகர் பகுதிகளுக்கான வானிலை முன்னறிவிப்பு:
அடுத்த 24 மணி நேரத்திற்கு வானம் பொதுவாக மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசானது / மிதமான மழை பெய்ய வாய்ப்புள்ளது. அதிகபட்ச வெப்பநிலை 32° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும்.
அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசானது / மிதமான மழை பெய்ய வாய்ப்புள்ளது. அதிகபட்ச வெப்பநிலை 36-37° செல்சியஸை ஒட்டியும், குறைந்தபட்ச வெப்பநிலை 27-28° செல்சியஸை ஒட்டியும் இருக்கக்கூடும்.
மீனவர்களுக்கான எச்சரிக்கை:
தமிழக கடலோரப்பகுதிகள்:
19.09.2024 முதல் 23.09.2024 வரை: மன்னார் வளைகுடா, தென்தமிழக கடலோரப்பகுதிகள் மற்றும் அதனை ஒட்டிய குமரிக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.
வங்கக்கடல் பகுதிகள்:
19.09.2024 முதல் 23.09.2024 வரை: தெற்கு வங்கக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.
அரபிக்கடல் பகுதிகள்:
19.09.2024: தென்மேற்கு அரபிக்கடலின் மேற்கு பகுதிகள் மற்றும் அதனை ஒட்டிய மத்திய மேற்கு அரபிக்கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும், மத்தியமேற்கு அரபிக்கடல் மற்றும் அதனை ஒட்டிய தென்மேற்கு அரபிக்கடல் பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்.
20.09.2024: தென்மேற்கு அரபிக்கடலின் மேற்கு பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்தில் வீசக்கூடும்.
21.09.2024 முதல் 23.09.2024 வரை: தென்மேற்கு அரபிக்கடலின் மேற்கு பகுதிகள் மற்றும் அதனை ஒட்டிய மத்தியமேற்கு அரபிக்கடல் பகுதிகளில் சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்தில் வீசக்கூடும் என தெரிவிக்கப்பட்டுள்ளது
தலைப்பு செய்திகள்
ட்ரெண்டிங் செய்திகள்
