Valentine's Day 2022: காதல்.! காதல்.! காதலர் தினம் ஏன் கொண்டாடப்படுகிறது தெரியுமா? வரலாறு இதுதான்!

இந்த நாளுக்கு பின்னால் காரணத்தைக் குறித்து பல கருத்துகள் உலவி வந்தாலும், எந்த உறுதிப்பாடும் இல்லாத ஒரு காரணம் இந்த நாளின் அழகை எடுத்துக்காட்டுவதாகவே உள்ளது.

காதலர்தினம்

பிப்ரவரி 14 உலகம் முழுதும் சிவப்பு நிறமாய் மாறும் நாள். தங்கள் காதலை சொல்ல, உறவைக் கொண்டாட, உணவு, இனிப்புகள், பூக்கள், பரிசுகள் என பணம் அதிகம் புரளும் நாளும் அது தான். ஏன் இந்த பிப்ரவரி வாரம் இவ்வளவு முக்கியத்துவம் வாய்ந்ததாய் இருக்கிறது? உலகம் முழுவதையும் இணைக்கும் வியாபார நாளாய் மாறும் அளவிற்கு இந்த நாள் எப்படி ஒரு இணைப்புப் புள்ளியாய் இருக்கிறது என்பது நிச்சயம் ஆச்சரியம் ஏற்படுத்தும் ஒன்றுதான். இந்த நாளின் வரலாற்றைப் பார்க்கலாம்.

மூன்றாம் நூற்றாண்டின் ரோமானிய புனிதர் வேலன்டைனின் நினைவாக இந்த நாள் கொண்டாடப் படுகிறது. ரோமானியப் பேரரசிடமிருந்து காப்பாற்றி ரகசியமாக கிறுத்துவ தம்பதிகளுக்குத் திருமணம் செய்தது இவரது மரணத் தண்டனைக்குக் காரணமாக அமைந்தது. அதைத் தொடர்ந்து இந்த நாள் காதலர் தினமாக வளர்ந்தது என்ற கருத்து பரவலாக சொல்லப்படுகிறது.

---

---

ரோமானிய கலாச்சாரத்தின்படி பிப்ரவரி மாதத்தின் மத்தியில் காதலைக் கொண்டாடும் வகையில் லூபர்காலியா என்ற திருவிழா கொண்டாடப்பட்டு வந்தது எனவும் பிற்பாடு அதை மதவன்மத்தின் காரணமாக போப்பாண்டவர் தடை செய்தார் எனவும் இந்த திருவிழாவின் பெயரை மறைக்கவே புனிதர் வேலன்டைனின் பெயர் தோண்டி எடுக்கப்பட்டது என்றும் ஒரு கருத்து இருக்கிறது.

இந்த நாளின் பின்னிருக்கும் காரணத்தைக் குறித்து பல கருத்துகள் உலவி வந்தாலும், எந்த உறுதிப்பாடும் இல்லாத ஒரு காரணம் இந்த நாளின் அழகை எடுத்துக்காட்டுவதாகவே உள்ளது.

கிட்டத்தட்ட பதினைந்தாம் நூற்றாண்டு வரை ரோமானிய கலாச்சாரத்தின் விளைவாக அணுகப்பட்டு வந்த நாள், இன்று உலகம் முழுவதும் இருக்கும் காதலர்களால் அரவணைக்கப்படும் கொண்டாட்ட நாளாக மாறியிருக்கிறது. அப்படி பார்க்கையில், உலகின் புராதான கொண்டாட்ட நாட்களுக்குள் இந்த நாளும் அடங்கும்.

---

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

 

யூட்யூபில் வீடியோக்களை காண  

சமீபத்திய லைப்ஸ்டைல் செய்திகளையும், ட்ரெண்டிங் செய்திகளையும், அறிய Abpnadu-இல் லைப்ஸ்டைல் செய்திகளைத் (Tamil Lifestyle News) தொடரவும்.

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்