”நாக்கு முக்கா” பாடலுக்கு நடனமாடிய ஜான்வி கபூர் ! : கீர்த்தி சுரேஷும், தெறி கமெண்ட்ஸும்..!
முன்னதாக இதே கேங்குடன் , சீன் பால் (sean paul) என்ற ராப்பர் ஒருவரின் இணைய வைரல் பாடலுக்கு நடனமாடி , அதையும் தனது ரீல்ஸ் பக்கத்தில் பதிவேற்றியிருந்தார் ஜான்வி.
பி.வி.பிரசாத் இயக்கத்தில் நகுல் நடிப்பில் கடந்த 2008 ஆம் வெளியான திரைப்படம்தான் ‘காதலில் விழுந்தேன்’ இந்த படத்தில் இடம்பெற்றிருந்த ‘நாக்கு முக்கா’ என்ற பாடல் பட்டி தொட்டி எங்கும் பிரபலம். இன்றளவும் கூட இந்த பாடலை ரசிக்காதவர்கள் யாரும் இருக்க முடியாது. விஜய் ஆண்டனி இசையில் உருவான இந்த பாடலை 2011 உலக கோப்பை கிரிக்கெட் போட்டி மைதானத்திலும் கூட ஒலிபரப்பு செய்யப்பட்டது. துள்ளல் இசை போட வைக்கும் இந்த பாட்டிற்கு , நடிகை ஸ்ரீதேவியின் மகள் ஜான்வி கபூர் தனது நண்பர்களுடன் இணைந்து நடனமாடியுள்ளார். இது தற்போது வைரலாக ஷேர் செய்யப்பட்டு வருகிறது. தனது இன்ஸ்டாகிராம் ரீல்ஸில் பதிவேற்றியுள்ள இந்த நடனத்திற்கு ”அக்ஸா கேங் திரும்பிவிட்டது. எங்களுக்கு எந்த நடனப் பொருட்களும் தேவையில்லை, மேடையும் தேவையில்லை இருந்தாலும் குறைந்த பட்ஜெட்டில் தொடர்ந்து நாங்கள் கலக்குவோம்” என கேப்ஷன் கொடுத்துள்ளார்.
View this post on Instagram
இந்த வீடியோவை கண்ட பலரும் ஜான்வியை வெகுவாக பாராட்டி வருகின்றனர். கீர்த்தி சுரேஷ், அர்ஜூன் கபூர், ரகுல் ப்ரீத் சிங் உள்ளிட்ட நடிகர்களும் ஜான்வியின் நாக்கு முக்கா வீடியோவிற்கு கீழே தங்கள் கருத்துகளை பதிவிட்டுள்ளனர். முன்னதாக இதே கேங்குடன் , சீன் பால் (sean paul) என்ற ராப்பர் ஒருவரின் இணைய வைரல் பாடலுக்கு நடனமாடி , அதையும் தனது ரீல்ஸ் பக்கத்தில் பதிவேற்றியிருந்தார் ஜான்வி.
View this post on Instagram
ஜான்வி கபூர் கடந்த 2018 ஆம் ஆண்டு வெளியான தடக் என்ற திரைப்படம் மூலம் சினிமாவில் அறிமுகமானார். தொடர்ந்து பாலிவுட் படங்களில் கவனம் செலுத்திவரும் ஜான்வி நடிப்பில் இறுதியாக வெளியான திரைப்படம் “ரோஹி” . இந்த திரைப்படம் ஹாரர் ஜானரில் பிரபல ஒடிடி தளமான நெட்ஃபிளிக்ஸில் வெளியாகியிருந்தது. இந்த படத்தில் அசத்தலான நடிப்பை வெளிப்படுத்திய ஜான்விக்கு பலரும் பாராட்டுகளை தெரிவித்திருந்தனர். சமூக வலைத்தளங்களில் மிகவு ஆக்டிவாக இருக்கும் ஜான்வி கபூர் அவ்வபோது தனது புகைப்படங்களை பதிவிடுவது வழக்கம். அப்படி சமீபத்தில் இவர் வெளியிட்ட கிளாமர் புகைப்படம் ஒன்றும் இணையத்தில் வைரலானது.
View this post on Instagram
உடற்பயிற்சி, யோகா போன்ற ஃபிட்னஸ் ஆக்டிவிட்டிஸிலும் ஆர்வமாக உள்ளவர் ஜான்வி. ஆரம்ப காலக்கட்டத்தில் பப்ளி கேர்ளாக அறியப்பட்ட ஜான்வி இன்று உடல் எடையை ஆச்சர்யப்படும் அளவிற்கு குறைத்துள்ளார். பெல்லி டான்ஸ், பேட்மிட்டன் போன்ற உடல் எடையை குறைக்க உதவும் செயல்பாடுகளிலும் அதிக கவனம் செலுத்து வருகிறார். இவரது தந்தை போனி கபூர்தான் அஜித்தின் வலிமை படத்தை தயாரித்து வருகிறார். அஜித்தின் ஃபஸ்ட் லுக் போஸ்டரை தனது சமூக வலைத்தள பக்கத்தில் பதிவேற்றி #வலிமை என்பதற்கு பதிலாக #வலமை என பதிவேற்றி ரசிகர்களின் கோபத்திற்கு ஆளானார் என்பது நினைவுகூறத்தக்கது.
தலைப்பு செய்திகள்
ட்ரெண்டிங் செய்திகள்
