Jawan Box Office Collection: 2 நாட்களில் ரூ.200 கோடி .. வரலாறு படைக்கும் ஜவான் படம்.. கொண்டாட்டத்தில் ரசிகர்கள்..!

நடிகர் ஷாருக்கான் நடித்துள்ள ஜவான் படத்தின் இரண்டாம் நாள் வசூல் நிலவரம் தொடர்பான தகவல்கள் வெளியாகி இந்திய திரையுலகை அதிரச் செய்துள்ளது. 

ஜவான் படத்தில் ஷாரூக்கான்

நடிகர் ஷாருக்கான் நடித்துள்ள ஜவான் படத்தின் இரண்டாம் நாள் வசூல் நிலவரம் தொடர்பான தகவல்கள் வெளியாகி இந்திய திரையுலகை அதிரச் செய்துள்ளது. 

இயக்குநர் ஷங்கரிடம் உதவி இயக்குநராக பணியாற்றிய அட்லீ, தமிழில் ராஜா ராணி, தெறி, மெர்சல், பிகில் ஆகிய படங்களை இயக்கி கோலிவுட்டின் முன்னணி கமர்ஷியல் இயக்குநராக உயர்ந்தார். தொடர்ந்து பாலிவுட் சென்ற அவர், நடிகர் ஷாருக்கானை வைத்து ‘ஜவான்’ படத்தை இயக்கியுள்ளார். ரெட் சில்லி எண்டர்டெயின்மெண்ட் நிறுவனம் தயாரித்துள்ள இந்த படத்தில் நயன்தாரா, விஜய் சேதுபதி, தீபிகா படுகோனே, யோகிபாபு, சஞ்சய் தத், பிரியாமணி உள்ளிட்ட பலரும் நடித்துள்ளனர். அனிருத் இசையமைத்துள்ள இந்த படம் கடந்த செப்டம்பர் 7 ஆம் தேதி உலகமெங்கும் 10 ஆயிரத்துக்கும் அதிகமாக தியேட்டர்களில் வெளியானது. 

முன்னதாக ஜவான் படத்தின்  ட்ரெய்லர்கள், பாடல்கள்  மிகப்பெரிய அளவில் வரவேற்பை பெற்றது. இதனால் ரசிகர்களிடையே பெரும் எதிர்பார்ப்பு ஏற்பட்டிருந்தது. டிக்கெட் முன்பதிவிலும் இதுவரை இல்லாத அளவுக்கு சாதனை படைத்தது. 5 லட்சம் டிக்கெட்டுகள் விற்பனை செய்யப்பட்டதாக கூறப்பட்டது. இப்படியான நிலையில் செப்டம்பர் 7 ஆம் வெளியான ஜவான் படம் இந்தி சினிமா ரசிகர்களுக்கு கமர்ஷியல் ட்ரீட் ஆக அமைந்துள்ளது.   

#Jawan State Wise Tracked Data For Only Hindi 2D💥

Day 1 [7th Sep]: 59.77 Cr [17475 shows]/ 21.87L Footfalls

Day 2 [8th Sep]: 45.13 Cr [17136 shows]/ 15.68L Footfalls pic.twitter.com/eZvqB0hZKL

— Sacnilk Entertainment (@SacnilkEntmt) September 9, 2023

அதேசமயம் தமிழில் படம் பார்க்க சென்ற ரசிகர்களை மிகவும் அதிருப்திக்குள்ளாக்கியதாக தகவல்கள் சமூக வலைத்தளங்களில் வெளியானது. அட்லியை கடுமையாக விமர்சித்து கருத்துகளை பதிவிட்டு வருகின்றனர். காரணம் ஜவான் படத்தில் இயக்குநர்கள் ஷங்கர், ஏ.ஆர்.முருகதாஸ் மற்றும் அட்லீ தான் தமிழில் எடுத்த படங்கள், நடிகர் விஜய்யின் மேனரிசங்கள் என அனைத்தையும் கலந்து கட்டி படமாக இருந்ததாக குற்றச்சாட்டு எழுந்தது.இப்படியான நிலையில் ஜவான் படத்தின் முதல் நாள் வசூல் உலகமெங்கும் ரூ.129 கோடி என அதிகாரப்பூர்வமாக அறிவிக்கப்பட்டது. இதனை #JawanCreatesHistory, SRK GOD OF BOX OFFICE ஆகிய ஹேஸ்டேக் மூலம் ரசிகர்கள் ட்ரெண்ட் செய்தனர். 

இப்படியான நிலையில் ஜவான் படத்தின் 2ஆம் நாள் வசூல் நிலவரம் குறித்த தகவல்கள் வெளியாகியுள்ளது.  அதன்படி,இப்படம் உலகம் முழுவதும் ரூ.200 கோடியை கடந்து வசூல் சாதனை படைத்துள்ளது. இது நிச்சயம் முதல் வாரத்தில் ரூ.500 கோடியை கடக்கும் எனவும் கணிக்கப்பட்டுள்ளது. இதனால் ரசிகர்கள் மகிழ்ச்சியடைந்துள்ளனர்.