RJ Balaji: நானே +2 ஃபெயில்டா.. வீடியோ வெளியிட்டு அட்வைஸ் கொடுத்த ஆர்.ஜே.பாலாஜி..!
நடிகர் ஆர்.ஜே.பாலாஜி 10 மற்றும் 12 ஆம் வகுப்பு மாணவர்களுக்கென வீடியோ ஒன்றை வெளியிட்டு இருக்கிறார்.
நடிகர் ஆர்.ஜே.பாலாஜி 10 மற்றும் 12 ஆம் வகுப்பு மாணவர்களுக்கென வீடியோ ஒன்றை வெளியிட்டு இருக்கிறார்.
அந்த வீடியோவில், “ இன்றைய தினம் 10 மற்றும் 12 ஆம் வகுப்பு முடிவுகள் வெளியாகியுள்ளது. இதில் நாம் எடுக்கும் மார்க்தான் நமது வாழ்கையை நிர்ணயிக்கிறது என்று அனைவரும் நினைக்க வைப்பார்கள். இன்று தேர்வுகளில் நல்ல மதிப்பெண் எடுத்தவர்களுக்கு என்னுடைய வாழ்த்துகள்.
View this post on Instagram
அதே நேரத்தில் சில மாணவர்கள், சில பாடங்களில் மதிப்பெண் குறைந்தோ அல்லது சில பாடங்களில் தோல்வியடைந்தோ இருப்பீர்கள். இந்த சூழ்நிலையில் சிலர் உங்களிடம் வந்து வாழ்கை இதோடு முடிந்து விட்டது என்று சொன்னால் அவர் வாயிலே குத்தி விடுங்கள். இங்கு 12 ஆம் வகுப்பு மார்க்தான் வாழ்கையை முடிவு செய்யும் என்றால் இங்கு பலருக்கு வாழ்கையே இருக்காது. அதற்கு உதாரணம் நான் தான்.
ஏனென்றால் 12 வகுப்பு கணக்கு பாடத்தில் நான் தோல்வியடைந்தேன். ஆனால் அதை என்னுடைய குடும்பம் அது என்னுடைய வாழ்கையின் முடிவு என்று நினைக்க வைக்க வில்லை. அந்த சமயத்தில் எனது குடும்பம் எனக்கு உறுதுணையாக இருந்தது. அதனால் பெற்றோர்கள் குழந்தைகள் நீங்கள் எதிர்பார்த்த மார்க்கை எடுக்கவில்லை என்றால் பராவாயில்லை, இன்று எக்கசக்க படிப்புகள் இருக்கின்றன. கொஞ்சம் தேடினால், நல்ல படிப்பு கிடைக்கும். அதனால் நல்ல படிப்பை தேர்ந்தெடுத்து மாணவர்கள் இன்னும் அதிக உயரம் செல்ல எனது வாழ்த்துகள்.” என்று பேசியுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
