Kase Than Kadavulada Song: ‘உஷாரா இல்லையின்னா தலையில துணி’ .. வெளியானது துணிவு படத்தின் ’காசேதான் கடவுளடா’ பாடல்..!

Thunivu Second Single: நடிகர் அஜித்குமார் நடித்துள்ள துணிவு படத்தின் இரண்டாம் பாடலாக ‘காசேதான் கடவுளடா’ வெளியாகி ரசிகர்களிடையே நல்ல வரவேற்பை பெற்றுள்ளது. 

துணிவு படத்தில் அஜித்

நடிகர் அஜித்குமார் நடித்துள்ள துணிவு படத்தின் இரண்டாம் பாடலாக ‘காசேதான் கடவுளடா’ வெளியாகி ரசிகர்களிடையே நல்ல வரவேற்பை பெற்றுள்ளது. 

போனிகபூர்- இயக்குநர் ஹெச்.வினோத் கூட்டணியில் 3வது முறையாக அஜித்  இணைந்துள்ள படம் ‘துணிவு’. இதில் அஜித்துக்கு ஜோடியாக மலையாள திரையுலகின் முன்னணி நடிகையான மஞ்சு வாரியர் நடித்துள்ள நிலையில், இப்படத்திற்கு இசையமைத்துள்ளார் ஜிப்ரான். இதனால் இப்படத்திற்கு பெரிய எதிர்பார்ப்பு நிலவுகிறது. துணிவு படத்தின் திரையரங்க விநியோக உரிமையை நடிகர் உதயநிதி ஸ்டாலினின் ரெட் ஜெயன்ட் மூவிஸ் நிறுவனம் கைப்பற்றியுள்ளது. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Boney.kapoor (@boney.kapoor)

படமானது 2023 ஆம் ஆண்டு பொங்கலுக்கு வெளியாகும் என தெரிவிக்கப்பட்டுள்ளது. கடந்த செப்டம்பர் 22 ஆம் தேதி துணிவு படத்தின் டைட்டில் மற்றும் ஃபர்ஸ்ட் லுக் போஸ்டர்கள் வெளியாகியது.  இதனைத் தொடர்ந்து படத்தின் முதல் பாடலாக ‘சில்லா சில்லா’ பாடல் கடந்த டிசம்பர் 9 ஆம் தேதி வெளியாகி ரசிகர்களிடையே நல்ல வரவேற்பை பெற்றது. வைசாக் எழுதிய இப்பாடலை இசையமைப்பாளர் அனிருத் பாடியுள்ளார். இப்பாடல் இன்றளவும் யூட்யூப் ட்ரெண்டிங்கில் முதல் இடத்தில் உள்ளது.

இந்நிலையில் துணிவு படத்தின் அடுத்த பாடல் எப்போது வெளியாகும் என்பதை தயாரிப்பாளர் போனி கபூர் தனது சமூக வலைத்தளப் பக்கத்தில் நேற்று இரவு  11 மணிக்கு தெரிவித்திருந்தார். அதில் இன்று (டிசம்பர் 18)  ‘காசேதான் கடவுளடா’ என்ற பாடல் வெளியாகும் என தெரிவிக்கப்பட்டிருந்தது. அதன்படி தற்போது பாடல் வெளியாகியுள்ளது. இதனை சமூக வலைத்தளத்தில் Money Money Money, KasethanKadavulada, #ThunivuSecondSingle ஆகிய ஹேஸ்டேக்குகளில் ரசிகர்கள் கொண்டாடி வருகின்றனர். இந்த பாடலை வைசாக் எழுதி பாடியுள்ள நிலையில் நடிகை மஞ்சு வாரியரும் இப்பாடலை இணைந்து பாடியுள்ளார்.