UPSC: ஐஏஎஸ், ஐபிஎஸ் கனவு நனவாக கடைசி வாய்ப்பு! UPSC தேர்வுக்கான கால அவகாசம் நீட்டிப்பு: உடனே விண்ணப்பிங்க!

குடிமைப் பணி தேர்வான யுபிஎஸ்சி தேர்வுக்கு விண்ணப்பிக்க அவகாசம் பிப்ரவரி 27ஆம் தேதி வரை நீட்டிக்கப்பட்டு உள்ளது.

யுபிஎஸ்சி தேர்வு

Source : Social Media

ஐஏஎஸ், ஐபிஎஸ், ஐஎஃப்எஸ் உள்ளிட்ட பணியிடங்களை நிரப்ப நடத்தப்படும் யுபிஎஸ்சி தேர்வுக்கு விண்ணப்பிக்க அவகாசம் நீட்டிக்கப்பட்டு உள்ளது.

இந்திய குடிமைப் பணித் தேர்வுகளின் மூலம் சிவில் சர்வீசஸ் பிரிவில், இந்த ஆண்டு 933 காலியிடங்களும், இந்திய வனப் பணிப் பிரிவில் 80 காலியிடங்களும் நிரப்பப்பட உள்ளன. தகுதியும் விருப்பமும் உள்ள தேர்வர்கள் இந்தத் தேர்வுக்கு தங்கள் விண்ணப்பங்களைச் சமர்ப்பிக்கலாம்.

தேர்வு அட்டவணை

முன்னதாக 2026ஆம் ஆண்டுக்கான யுபிஎஸ்சி சிவில் சர்வீஸ் தேர்வுகளான ஐஏஎஸ், ஐபிஎஸ், ஐஎஃப்எஸ் உள்ளிட்ட மத்திய அரசுத் தேர்வுகள் எப்போது நடைபெறும் என்பதற்கான அட்டவணையை மத்திய அரசுப் பணியாளர் தேர்வாணையம் வெளியிட்டுள்ளது.

இதன்படி, யுபிஎஸ்சி முதல்நிலைத் தேர்வுகள், 2026ஆம் ஆண்டு மே 24ஆம் தேதி அன்று நடைபெற உள்ளன. அதேபோல முதன்மைத் தேர்வுகள் ஆகஸ்ட் 21ஆம் தேதியில் நடக்க உள்ளன.

யுபிஎஸ்சி தேர்வுக்கு விண்ணப்பிப்பது எப்படி?

• தகுதியான மற்றும் ஆர்வமுள்ள விண்ணப்பதாரர்கள் upsconline.nic.in என்ற இணைய முகவரியை க்ளிக் செய்ய வேண்டும்
• பதிவு நடைமுறையை பூர்த்தி செய்யுங்கள்
• தனிப்பட்ட, கல்வி மற்றும் தகவல் தொடர்பு தொடர்பான விவரங்களை உள்ளீடு செய்யுங்கள்
• தேவையான ஆவணங்கள், புகைப்படங்கள், கையொப்ப விவரங்களை அப்லோட் செய்யுங்கள்
• ஆன்லைனிலேயே விண்ணப்பக் கட்டணத்தை செலுத்துங்கள்
• ஆவணத்தை சப்மிட் செய்து, உறுதிப்படுத்தப்பட்ட பக்கத்தை சேமித்து வையுங்கள்.

முன்னதாக யுபிஎஸ்சி எனப்படும் மத்திய அரசுப் பணியாளர் தேர்வாணையம்  2026-ம் ஆண்டுக்கான சிவில் சர்வீசஸ் தேர்வு  மற்றும் இந்திய வனப் பணித் தேர்வு ஆகியவற்றில், தேர்வர்களுக்கான அணுகுமுறையை எளிதாக்கவும், தேர்வுப் பாதுகாப்பை உறுதி செய்யவும் பல தொழில்நுட்ப வழிமுறைகளை அறிமுகப்படுத்தியது குறிப்பிடத்தக்கது.

இதுதொடர்பான விரிவான தகவல்களைப் பெற https://upsconline.nic.in/cetSchedule என்ற இணைப்பை க்ளிக் செய்யுங்கள்.