வெல்டிங் சூர்யா அனுப்பிய ‛கிஃப்ட்’... பிரித்து பார்த்து பிரித்து மேய்ந்த திருச்சி சாதனா!

ஒட்டப்பட்ட பார்சலை பிரித்து எடுக்கவே அவர் பட்டபாடு இருக்கே.... சொல்லி மாலாது. பிரிக்கிறார் பிரிக்கிறார் பிரித்துக் கொண்டே இருக்கிறார்.

திருச்சி_சாதனா_பார்சல்

முன்னாள் டிக்டாக் பிரபலம், இந்நாள் ‛சாதனா மீடியா’வின் நிறுவனர், ஓனர், தொகுப்பாளர், நடிகை, ஆபிஸ் பாய் என அனைத்து பொறுப்புகளையும் ஒருவராக ஏற்ற சாதனாவின் வீடியோக்கள் அவ்வப்போது இளைஞர்களை குஷிபடுத்தவும், குதூகலப்படுத்தவும் தவறியதில்லை.

அவரை போன்றே அடையாளம் கொண்ட ஜி.பி.முத்து கொஞ்சம் வித்தியாசமாக வீடியோக்கள் போட்டு, அதன் மூலம் பலரிடம் பாராட்டையும், பார்சல்கள் மூலம் பரிசையும் பெற்று வருகிறார். இந்நிலையில் ஜி.பி.முத்து பாணியில் தானும் பரிசுகள் பெற வேண்டும் என்கிற ஆசையில் திருச்சி சாதனாவும் தனக்கென உருவாக்கப்பட்ட சேனலில், பரிசுகளை அனுப்ப வேண்டுகோள்விடுத்தார்.

ஜிபிமுத்துக்கு கத்தை கத்தையாய் குவிந்த மாதிரி பரிசுகள் வரும் என எதிர்பார்த்தார். ஆனால் கத்தைக்கு பதில் ஒத்தையாக தான் பரிசுகள் வந்தது அதுவும் என்றாவது ஒருநாள். அந்த ஒரு பரிசையும் தன் நேயர்கள் முன்னிலையில் திறந்து பார்த்து மகிழ அவர் முயற்சிப்பதும், இறுதியில் அந்த பார்சலில் ஏதாவது ஒரு மொக்கை பரிசு இருப்பதும் வாடிக்கையாகிவிட்டது. 

அந்த வரிசையில், சமீபத்தில் அவருக்கு ஒரு பார்சல் வந்தது. வழக்கம் போல தன் குழந்தைகள் முன்னிலையில் அந்த பார்சலை பிரித்து அதை வீடியோ பதிவும் செய்தார் சாதனா. பார்சல் யாரிடம் இருந்து வந்தது என்பதை படித்ததுமே அவருக்கு பாதி முகம் சுருங்கிவிட்டது. அனுப்புனர் பெயர் ‛வெல்டிங் சூர்யா’ என்று குறிப்பிடப்பட்டிருந்தது. ‛அய்யய்யோ... இவனா...’ என்று கடுப்பானார் சூர்யா. இதற்கு முன் அவர் அனுப்பிய பரிசு அந்த மாதிரி.

ஒட்டப்பட்ட பார்சலை பிரித்து எடுக்கவே அவர் பட்டபாடு இருக்கே.... சொல்லி மாலாது. பிரிக்கிறார் பிரிக்கிறார் பிரித்துக் கொண்டே இருக்கிறார். அவர் படும் சிரமங்களுக்கு இடையே அந்த வலியை வார்த்தையாக வெல்டிங் சூர்யாவை கடிந்து கொள்ளவும் அவர் தவறவில்லை. கடைசியில் ஒரு பெரிய பாறை கல்லை போட்டு பார்சலை திறக்கிறார். அதற்குள் ஒரு பார்சல் இருக்கிறது. அதுவும் நிறைய செல்லோ டேப் போட்டு ஒட்டப்பட்டிருந்தது. 

அவற்றை ஒரு வழியாக திறந்து பார்த்தால் உடைந்து நொறுங்கிப் போயிருந்த செல்போன் ஒன்று உள்ளே இருந்தது. போதாக்குறைக்கு ஒரு கடிதம் வேறு. ‛சாதனா... கடந்து முறை அனுப்பிய பரிசால் மனம் கஷ்டப்பட்டேன்... அதனால் தான் இந்த முறை நல்ல பரிசு அனுப்பியுள்ளேன். கொஞ்சம் உடைந்திருக்கிறது. சர்வீஸ் சென்டரில் கொடுத்து சரி பண்ணிக்கோ. உன் புருஷனுக்கு கோபமே வராதா... அவனை அடித்து ஒரு வீடியோ போடு...’ என்றெல்லாம் பல வார்த்தைகளை கொட்டி இறுதியில், ‛நீ உண்மையான பொம்பளையா இருந்தா...’ என சாதனாவையும் வம்பிழுத்தார். கடுப்பான அவர், ‛அவனே... இவனே...’ என அவரோட பாணியில் திட்டித்தீர்க்க தொடங்கினார். இறுதியில் ‛இவனுக்கெல்லாம் ஒரு வீடியோ... கட் பண்ணு...’ என தன் குழந்தையை கடிந்து வீடியோவை முடிக்கிறார். உண்மையில் வெல்டிங் சூர்யா பத்த வைத்து சாதனாவை வெடிக்க வைத்தார். 

இதோ அந்த வீடியோ....

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண