ராணுவப்பள்ளியில் சிறுவர்கள் பயில்வதற்கான விண்ணப்பம் வெளியீடு - வரும் டிச.18ஆம் தேதியில் தேர்வு

’’சென்னையில் வருகிற டிசம்பர் 18 ஆம் தேதி நடைபெற உள்ளது’’

ராணுவப்பள்ளி

இந்திய ராணுவ கல்லூரியில் படிக்க சிறுவர்கள் விண்ணப்பிக்கலாம் என கள்ளக்குறிச்சி மாவட்ட டேராடூனில் உள்ள ராஷ்ட்ரிய இந்திய ராணுவ கல்லூரியில் ஜூலை 2022 பருவத்தில் சேருவதற்கான தேர்வு இந்திய நாட்டில் குறிப்பிட்ட இடங்கள் மற்றும் தமிழ்நாட்டில் சென்னையில் வருகிற டிசம்பர் 18 ஆம் தேதி நடைபெற உள்ளது. இந்த தேர்வானது எழுத்து மற்றும் நேர்முகத் தேர்வாக நடைபெறும். எழுத்துத் தேர்வு, ஆங்கிலம், கணக்கு, பொது அறிவு கொண்டது. கணக்கு மற்றும் பொது அறிவு ஆகிய தேர்வு தாள் ஆங்கிலம் அல்லது இந்தியில் விடையளிக்க வேண்டும். நேர்முக தேர்வானது விண்ணப்பத்தாரர்களின் அறிவுக்கூர்மை, தனித்தன்மை போன்றவற்றை ஆராய்வதாக இருக்கும். எழுத்துத் தேர்வின் அடிப்படையில் தகுதியானவர் தேர்வு செய்யப்பட்டு அவர்களுக்கு மட்டும் நேர்முகத்தேர்வு நடத்தப்படும். நேர்முக தேர்வு பற்றிய விவரம் பின்னர் அறிவிக்கப்படும்.

ஒவ்வொரு பாடத்திலும் தேர்வு பெற குறைந்தபட்ச மதிப்பெண் 50 சதவீதம் ஆகும். இத்தேர்வுக்கான விண்ணப்பப்படிவம், தகவல் தொகுப்பு மற்றும் முந்தைய தேர்வுக்கான வினாத்தாள் தொகுப்பை கமாண்டன்ட், ராஷ்ட்ரிய இந்திய ராணுவ கல்லூரி, கர்ஹிகாண்ட், டேராடூன், உத்ரகாண்ட், அஞ்சல் குறியீட்டு எண்- 248 003 என்ற முகவரிக்கு விரைவு தபால் வாயிலாக எழுத்து மூலம் விண்ணப்பித்து. கமாண்டன்ட், ராஷ்ட்ரிய இந்திய ராணுவ கல்லூரி, டேராடூன் கேட்பு காசோலைக்குரிய கிளை, ஸ்டேட் பாங்க் ஆப் இந்தியா வங்கி, டெல்பவன், டேராடுன், வங்கி குறியீடு-01576, உத்தரகண்ட் செலுத்தத்தக்க பொதுப் பிரிவினர் 600, தாழ்த்தப்பட்ட மற்றும் பழங்குடி வகுப்பினர் சாதிச்சான்றுடன் 555-க்கான கேட்புக்காசோலையை அனுப்பி பெற்றுக் கொள்ளலாம். அல்லது www.rimc.gov.in என்ற ராஷ்ட்ரிய இந்திய ராணுவக் கல்லூரியின் இணையதளம் மூலமாக பொதுப் பிரிவினர் 600,தாழ்த்தப்பட்ட மற்றும் பழங்குடி வகுப்பினர் 555 செலுத்தி பெற்றுக் கொள்ளலாம்.

விண்ணப்பப்படிவம் மற்றும் தகவல் தொகுப்பேடு ஆகியவை சென்னையில் உள்ள இத்தேர்வாணைய அலுவலகத்திலிருந்து விண்ணப்பதாரர்களுக்கு வழங்கப்படமாட்டாது. ராஷ்ட்ரிய இந்திய ராணுவ கல்லூரியின் விண்ணப்பப்படிவங்கள் மட்டுமே ஒப்புக்கொள்ளப்படும். தனிப்பட்ட முறையில் அச்சிடப்பட்ட, ஜெராக்ஸ் எடுக்கப்பட்ட ராஷ்ட்ரிய இந்திய ராணுவக் கல்லூரி ஹாலோகிராம் முத்திரையிடப்படாத விண்ணப்பப்படிவங்கள் நிராகரிக்கப்படும்.

விண்ணப்பதாரர்களின் (சிறுவர்களின்) பெற்றோர் அல்லது பாதுகாப்பாளர் தமிழ்நாட்டில் வசிப்பவராக இருக்க வேண்டும். விண்ணப்பதாரர் 1-7-2022 ஆம் தேதியன்று 11 அல்லது 12 வயது நிரம்பியவராகவும், 13 வயதை அடையாதவராகவும் இருக்க வேண்டும். அதாவது 2-7-2009-ஆம்  தேதிக்கு முன்னதாகவும், 1-1-2011 ஆம் தேதிக்கு பின்னதாக பிறந்திருக்கக்கூடாது. கல்லூரியில் சேர அனுமதிக்கப்படும் பொழுது 1-7-2022-ல் அங்கீகாரம் பெற்ற பள்ளியில் 7 ஆம் வகுப்பு படிப்பவராகவும் அல்லது 7 ஆம் வகுப்பு தேர்ச்சி பெற்றவராக இருத்தல் வேண்டும்.

பூர்த்தி செய்யப்பட்ட விண்ணப்பப் படிவங்கள் (இரட்டையாக) தேர்வுக் கட்டுப்பாடு அலுவலர், தமிழ்நாடு அரசுப் பணியாளர் தேர்வாணையம், தமிழ்நாடு அரசுப் பணியாளர் தேர்வாணையச் சாலை, பூங்கா நகர், சென்னை- 600 003, என்ற முகவரிக்கு வருகிற 30-ந் தேதி மாலை 5.45 மணிக்குள் வந்து சேர வேண்டும். மேலும் இதுபற்றிய கூடுதல் விவரங்களை www.rimc.gov.in என்ற இணையதளத்தில் தெரிந்து கொள்ளலாம் என தெரிவிக்கப்பட்டுள்ளது.