Taigun Facelift: மிக்ஸி இல்லையே, க்ரைண்டர் இல்லையே.. டைகனில் மிஸ் ஆகும் வசதிகள், ஃபேஸ்லிஃப்ட் தீர்வாகுமா?

Volkswagen Taigun Facelift 2026: இந்திய சந்தையில் விற்பனையில் உள்ள ஃபோக்ஸ்வாகன் டைகன் கார் மாடலில் இல்லாத அம்சங்களும், ஃபேஸ்லிஃப்ட் மீதான எதிர்பார்ப்புகள் குறித்தும் இந்த தொகுப்பில் அறியலாம்.

ஆட்டோமொபைல் செய்திகள்

Volkswagen Taigun Facelift 2026: இந்திய ஆட்டோமொபைல் சந்தையில் ஃபோக்ஸ்வாகன் டைகன் கார் மாடலின் ஃபேஸ்லிஃப்ட் எடிஷன் விரைவில் அறிமுகப்படுத்தப்பட உள்ளது.

ஃபோக்ஸ்வாகன் டைகன் ஃபேஸ்லிஃப்ட்

இந்திய ஆட்டோமொபைல் சந்தையில் ஃபோக்ஸ்வாகன் நிறுவனத்தால் கடந்த 2021ம் ஆண்டு முதல், விற்பனையில் உள்ள டைகன் கார் மாடலுக்கு முதல்முறையாக ஃபேஸ்லிஃப்ட் அப்க்ரேட்கள் வழங்கப்படுகின்றன. புதிய எடிஷன் விரைவில் உள்நாட்டில் அறிமுகப்படுத்தப்பட உள்ளது. இதில், மிட்-சைஸ் எஸ்யுவி பிரிவில் நிலவும் கடும் போட்டியை சமாளிக்கும் வகையில் மேம்படுத்தப்பட்ட வசதிகள், அம்சங்கள் இடம்பெறும் என எதிர்பார்க்கப்படுகிறது. இந்நிலையில் தற்போதைய எடிஷனில் என்ன அம்சங்கள் இல்லை? என்ன குறைகள் இருக்கின்றன? புதிய ஃபேஸ்லிஃப்ட் எடிஷனில் கார் பிரியர்கள் எதிர்பார்ப்பது என்ன என்பது குறித்து இந்த தொகுப்பில் அறியலாம். 

ஃபோக்ஸ்வாகன் டைகன் எஸ்யுவில் இல்லாத அம்சங்கள்:

போதுமான இடவசதி: பின் இருக்கை பயணிகளுக்கு கால்களை வசதியாக வைக்க போதுமான இடவசதி இல்லை. இது உயரமான பயணிகளுக்கு அசவுகரியத்தை ஏற்படுத்துகிறது.

கேபின் தரம்: கேபினின் ஃபினிஷிங் மற்றும் ஃபிட்டிங் ஆனது இன்னும் சற்று கூடுதல் தரத்தில் இருக்கலாமென சில பயனர்கள் வலியுறுத்துகின்றனர்

லெவல் 2 ADAS: எமர்ஜென்சி ப்ரேக்கிங், லேன் கீப் அசிஸ்ட் போன்ற பாதுகாப்பு அம்சங்களை உள்ளடக்கிய லெவல் 2 ADAS தொழில்நுட்பம், டைகனின் பல போட்டியாளர்களில் நிலையானதாக உள்ளது. ஆனால், ஃபோக்ஸ்வாகன் மாடலில் இல்லை.

360 டிகிரி கேமரா: நிலையான ரியர் வியூ கேமரா மட்டுமே காம்பேக்ட்/மிட்சைஸ் எஸ்யுவியில் காணப்படுகிறது. உற்பத்தியின் போது பொருத்தாலம், வாங்கிய பிறகு இணைக்கப்படக்கூடிய அம்சமாக மட்டுமே உள்ளது.

மேனுவல் ட்ரான்ஸ்மிஷன்: அண்மையில் வெளியான தகவல்களின்படி, சக்தி வாய்ந்த 1.5 லிட்டர் இன்ஜினில் மேனுவல் ட்ரான்ஸ்மிஷன் ஆப்ஷன் கைவிடப்பட்டு, DSG ஆப்ஷன் மட்டுமே வாடிக்கையாளர்களுக்கு வழங்கப்படுவதாக கூறப்படுகிறது

பனோரமிக் சன்ரூஃப்: பல்வேறு போட்டியாளர்களை போன்று டைகன் முழுமையான பனோரமிக் யூனிட்டை கொண்டிருக்காமல், நிலையான மின்சார சன்ரூஃபை மட்டுமே கொண்டுள்ளது

டீசல் இன்ஜின் ஆப்ஷன்: ப்ராண்டின் சர்வதேச சூழலை போன்று, இந்தியாவிலும் டைகனில் பெட்ரோல் ஆப்ஷன் மட்டுமே உள்ளது. டீசல் ஆப்ஷன் இல்லாதது நெடுந்தூர பயணிகளுக்கான காராக டைகனை பரிசீலிக்க முடியாமல் மாற்றியுள்ளது.

டைகன் ஃபேஸ்லிஃப்ட் எதிர்பார்ப்புகள்:

வரும் ஏப்ரல் முதல் ஜுன் மாதம் வரையிலான காலகட்டத்தில், மேம்படுத்தப்பட்ட டைகன் கார் மாடல் அறிமுகப்படுத்தப்படும் என தகவல்கள் தெரிவிக்கின்றன. அதில் மேற்குறிப்பிடப்பட்ட பல குறைகள் மற்றும் புகார்கள் பூர்த்தி செய்யபப்டும் என எதிர்பார்க்கப்படுகிறது. குறிப்பாக,

• புதுப்பிக்கப்பட்ட வெளிப்புற தோற்றம்
• ஸ்கோடாவை தொடர்ந்து டைகனிலும் புதியதாக 8 ஸ்பீட் டார்க் கன்வெர்டர் ஆட்டோமேடிக் கியர்பாக்ஸ் இடம்பெறலாம்
• பனோரமிக் சன்ரூஃப்
• ட்ரைவர் இன்ஸ்ட்ரூமெண்ட் க்ளஸ்டருக்காக புதிய டிஜிட்டல் டிஸ்பிளே
• முன் மற்றும் பின்புற சென்சார்களுடன் கூடிய 360 டிகிரி கேமரா
• எலெக்ட்ரானிக் பார்கிங் ப்ரேக்
• மசாஜ் வசதி கொண்ட பின்புற இருக்கைகள்

உள்ளிட்டவையும் வழங்கப்படலாம். இதன் மூலம் மிட்-சைஸ் எஸ்யுவி பிரிவில் தொடர்ந்து அதிகரித்து வரும் போட்டித்தன்மையை சமாளிக்கும் அளவிற்கு டைகன் ஃபேஸ்லிப்ஃட் மேம்படுத்தும் என எதிர்பார்க்கப்படுகிறது.