Mahindra SUV: சாலைகள் தெறிக்கணும்.. பவர்ஃபுல்லான 5 எஸ்யுவிக்கள், இன்ஜின் டூ EV எடிஷன் வரை - மஹிந்த்ராவின் ப்ளான்
Mahindra SUV: இந்திய ஆட்டோமொபைல் சந்தையில் சக்தி வாய்ந்த ஐந்து புதிய எஸ்யுவிக்களை சந்தைப்படுத்த மஹிந்த்ரா நிறுவனம் திட்டமிட்டுள்ளது.
Mahindra SUV: இன்ஜின் மற்றும் மின்சார எடிஷன் என மொத்தம் 5 புதிய எஸ்யுவிக்களை அடுத்தடுத்து அறிமுகப்படுத்த மஹிந்த்ரா நிறுவனம் முடிவு செய்துள்ளது.
மஹிந்த்ராவின் புதிய எஸ்யுவிக்கள்:
இந்திய ஆட்டோமொபைல் சந்தையில் மஹிந்த்ரா நிறுவனம் தனக்கென தனித்துவமான அடையாளத்தை உருவாக்கியுள்ளது. அது வலுவான செயல்திறன் கொண்ட டீசல் எஸ்யுவி ஆக இருந்தாலும் சரி, மின்சார வாகனமானாலும் சரி. ஒவ்வொரு பிரிவிலும் தன்னை வலுவான போட்டியாளராக நிறுவனம் முன்னிறுத்தியுள்ளது. ஏற்கனவே சந்தையில் இருக்கும் எஸ்யுவிக்கள் மீது மட்டுமே மஹிந்த்ரா கவனம் செலுத்துவதாக கூறப்பட்டாலும், அடுத்தடுத்து அறிமுகப்படுத்த சில புதிய மாடல் கார்களையும் நிறுவனம் தயார்படுத்தி வருகிறது. அந்த புதிய வாகனங்கள் தனித்துவமான ஸ்டைல், தொழில்நுட்பம் ஆகியவற்றின் கலவையாக இருக்கலாம். அந்த வகையில் நிறுவனம் சார்பில் விரைவில் அறிமுகமாக உள்ள 5 புதிய கார்களின் விவரங்களை இந்த தொகுப்பில் அறியலாம்.
மஹிந்த்ராவின் சக்திவாய்ந்த 5 புதிய எஸ்யுவிக்கள்
1. XUV 3XO EV
மஹிந்த்ரா இப்போது தனது மின்சார SUV போர்ட்ஃபோலியோவை விரிவுபடுத்த முனைப்பு காட்டி வருகிறது. XUV 3XO-அடிப்படையிலான மின்சார கார் அதில் முதலாவதாக உள்ளது. இந்த SUV தற்போதுள்ள XUV 400 EV-ஐ மாற்றாக சந்தைப்படுத்தப்பட உள்ளது. வடிவமைப்பைப் பற்றிப் பேசுகையில், இது XUV 3XO-வின் துணிச்சலான தோற்றத்தைத் தக்க வைத்துக் கொள்ளும், ஆனால் EV எடிஷனில் புதிய முன்புற க்ரில், மறுவடிவமைப்பு செய்யப்பட்ட பம்பர்கள், LED டெயில்லைட்கள் மற்றும் கவர்ச்சிகரமான டெயில்கேட் போன்ற சில சிறப்பு மாற்றங்கள் வழங்கப்படும்.
இதன் உட்புற கேபினும் மிகவும் பிரீமியமாக இருக்கும். அதன்படி டூயல் டோன் கருப்பு-பழுப்பு நிற தீம்கள், காப்பர் சிறப்பம்சங்கள் மற்றும் 10.25-இன்ச் டச்ஸ்க்ரீன், டிஜிட்டல் ட்ரைவர் டிஸ்ப்ளே, காற்றோட்டமான இருக்கைகள், வயர்லெஸ் சார்ஜிங், இரட்டை-மண்டல காலநிலை கட்டுப்பாடு, லெவல் 2 ADAS, 360-டிகிரி கேமரா மற்றும் பனோரமிக் சன்ரூஃப் போன்ற பல உயர் தொழில்நுட்ப அம்சங்கள் இடம்பெறும்.
2. BE6 ரால்-E
மஹிந்த்ரா முதன்முதலில் தனது BE6 Rall-E மாடலை ஐதராபாத்தில் நடந்த EV ஃபேஷன் விழாவில் அறிமுகப்படுத்தியது. இப்போது உற்பத்திக்குத் தயாரான எடிஷனில் சோதனையில் உள்ளது. இந்த SUV உண்மையில் BE6 இன் ஆஃப்-ரோடு எடிஷனாகும், இது சாகசத்தை விரும்புவோருக்காக வடிவமைக்கப்பட்டுள்ளது.
இதன் வடிவமைப்பு கட்டுமஸ்தானாக ஆக்ரோஷமாக இருக்கும். இது நேர்த்தியான LED DRL, பருமனான ஆஃப்-ரோடு டயர்கள் மற்றும் அதிகப்படியான க்ரவுண்ட் க்ளியரன்ஸ் அனுமதி ஆகியவற்றைக் கொண்டிருக்கும். BE6 மற்றும் XEV 9e இரண்டும் RWD (ரியர் வீல் டிரைவ்) இல் வருவதால், இரட்டை மோட்டார் அமைப்பு Rall-E இல் கொடுக்கப்படும், இதனால் அது AWD (ஆல் வீல் டிரைவ்) அமைப்பை பெறும்.
3. XUV 700 ஃபேஸ்லிஃப்ட்
2021 ஆம் ஆண்டு அறிமுகப்படுத்தப்பட்ட மஹிந்திரா XUV 700, தற்போது மிட்-சைக்கிள் ஃபேஸ்லிஃப்ட்டுக்கு உட்படுத்தப்பட்டுள்ளது. புதிய எடிஷன் 2026 ஆம் ஆண்டின் தொடக்கத்தில் சந்தைப்படுத்தப்படும் என்று எதிர்பார்க்கப்படுகிறது. இந்த ஃபேஸ்லிஃப்டில் வடிவமைப்பு மற்றும் அம்சங்கள் இரண்டிலும் நிறுவனம் கவனம் செலுத்தியுள்ளது.
புதிய XUV 700 காரில் புதுப்பிக்கப்பட்ட முன்பக்க விளக்குகள், மறுவடிவமைப்பு செய்யப்பட்ட LED ஹெட்லைட்கள், புதிய DRLகள், நவீன பம்பர்கள், புதுப்பிக்கப்பட்ட டெயில் லேம்ப்கள் மற்றும் புதிய அலாய் வீல்கள் வழங்கப்பட்டுள்ளன.
4. XEV 7e
மஹிந்த்ராவின் மற்றொரு முக்கிய மாடல் XEV 7e. இது XUV 700 இன் முழு மின்சார எடிஷனாகும். இதன் வடிவமைப்பு பெரும்பாலும் XUV 700 ஐப் போலவே இருக்கும், ஆனால் மின்சார தன்மை காரணமாக, அதில் சில எதிர்கால தன்மைக்கான டச்கள் சேர்க்கப்பட்டுள்ளன.
கேபினில் நீங்கள் "கோஸ்ட்-டு-கோஸ்ட் டிரிபிள் ஸ்கிரீன் செட்டப்", டால்பி அட்மாஸுடன் கூடிய ஹர்மன் கார்டனின் 16-ஸ்பீக்கர் சவுண்ட் சிஸ்டம், பல மண்டல காலநிலை கட்டுப்பாடு, காற்றோட்டமான இருக்கைகள் மற்றும் ஒளிரும் மஹிந்திரா லோகோவுடன் கூடிய ஸ்டீயரிங் ஆகியவற்றைக் காணலாம்.
5. ஸ்கார்பியோ-என் ஃபேஸ்லிஃப்ட்
2022 ஆம் ஆண்டு அறிமுகப்படுத்தப்பட்ட மஹிந்திரா ஸ்கார்பியோ-என், SUV பிரிவில் பெரும் தாக்கத்தை ஏற்படுத்தியது. ஜூன் மாதத்தில் ADAS அம்ச புதுப்பித்தலுடன் இது மீண்டும் அறிமுகப்படுத்தப்பட்டது, இப்போது ஒரு ஃபேஸ்லிஃப்ட் வரவிருக்கிறது. சோதனை மாதிரியை இன்னும் பார்க்கவில்லை என்றாலும், புதிய எடிஷன் 2025 இன் பிற்பகுதியிலோ அல்லது 2026 இன் முற்பகுதியிலோ வரக்கூடும் என்று நம்பப்படுகிறது. இது புதிய பம்பர்கள், LED விளக்குகள் மற்றும் கேபினில் சில நவீன மேம்படுத்தல்களைக் கொண்டிருக்கும் என கூறப்படுகிறது.
தலைப்பு செய்திகள்
ட்ரெண்டிங் செய்திகள்
