Watch Video: ஹோலி பண்டிகையை கொண்டாடிய ஹிட்மேன் ரோகித்! வைரல் வீடியோ!

இந்திய கிரிக்கெட் அணியின் கேப்டன் ரோகித் சர்மா உற்சாகத்துடன் ஹோலி பண்டிகையை கொண்டாடி உள்ளார்.

ரோகித் சர்மா

ஐ.பி.எல் 2024:

ஐ.பி.எல் சீசன் 17-ன் 5 வது லீக் போட்டி நேற்று (மார்ச் 24) குஜராத் மாநிலம் அகமதாபாத் நகரில் உள்ள நரேந்திர மோடி மைதானத்தில் நடைபெற்றது. இதில் குஜராத் டைட்டன்ஸ் மற்றும் மும்பை இந்தியன்ஸ் அணிகள் விளையாடின. அதன்படி, இந்த போட்டியில் 6 ரன்கள் வித்தியாசத்தில் குஜராத் டைட்டன்ஸ் அணி வெற்றி பெற்றது.

ஒரு கேப்டனாக சுப்மன் கில்- பெற்றிருக்கும் முதல் வெற்றியாக இது இருக்கிறது.  அதேநேரம், இந்த போட்டியின் போது மும்பை அணியின் கேப்டன் ஹர்திக் பாண்டியா அந்த அணியின் முன்னாள் கேப்டன் ரோகித் சர்மாவை அதிகாரத்துடன் பீல்டிங் செய்யுமாறு கூறுவது போன்ற வீடியோ ஒன்று வெளியானது.

இதனை பார்த்த ரசிகர்கள் அவர் மும்பை அணிக்கு வேண்டும் என்றால் கேப்டனாக இல்லாமல் இருக்கலாம் ஆனால் இந்திய அணியின் கேப்டன் ரோகித் சர்மா தான். அதற்கேற்றார் போல் ரோகித்தை வழிநடத்த வேண்டும் என்றும் ஹர்திக் பாண்டியாவிற்கு கோரிக்கை வைத்து வருகின்றனர். 

ஹோலி பண்டிகையை கொண்டாடிய ஹிட்மேன்:

Happy Holi, everyone! 😍🎨

Brb, admin needs to get the phone repaired 🥲#MumbaiMeriJaan #MumbaiIndians | @ImRo45 pic.twitter.com/4I0aIqnvru

— Mumbai Indians (@mipaltan) March 25, 2024

இதனிடையே இன்று (மார்ச் 25) நாடு முழுவதும் ஹோலி பண்டிகை உற்சாகத்துடன் கொண்டாடப்படு வருகிறது. இந்நிலையில் இந்திய கிரிக்கெட் அணியின் கேப்டனான ரோகித் சர்மா தன்னுடைய சக மும்பை இந்தியன்ஸ் அணி வீரர்களுடன் சேர்ந்து ஹோலி பண்டிகையை உற்சாகத்துடன் கொண்டாடி உள்ளார்.

Rohit Sharma celebrating Holi with his family & MI team mates. ⭐https://t.co/Kc645b7DOV

— Johns. (@CricCrazyJohns) March 25, 2024

அதோடு, ஹோலி பண்டிகை கொண்டாட்டத்தை முடித்துவிட்டு வீரர்கள் மீது தண்ணீரை பீய்ச்சி அடித்து தன்னுடைய மகிழ்ச்சியை வெளிப்படுத்தியுள்ளார் ரோகித் சர்மா. இது தொடர்பான வீடியோ காட்சிகள் சமூக வலைதளங்களில் வெளியாகி வைரலாகி வருகிறது. இதனைப் பார்த்த ரசிகர்கள் தங்களது கருத்துக்களை பகிர்ந்து வருகின்றனர்.

அதில் ரசிகர் ஒருவர்,”ஹிட்மேன் மகிழ்ச்சியுடன் ஹோலி பண்டிகையை கொண்டாடுகிறார். வாழ்த்துக்கள் ரோகித் ஜி” என்று கூறியுள்ளார். மற்றொரு ரசிகர், “இதே போன்ற சந்தோசத்துடன் நீங்கள் எப்போதும் கிரிக்கெட் விளையாட வேண்டும் ஹிட்மேன்” என்று தனது கருத்தை பதிவு செய்துள்ளார்.

மேலும் படிக்க: Watch Video: ரோஹித் சர்மாவை ஸ்டேடியத்தில் மோசமாக நடத்திய ஹர்திக்.. இணையத்தில் பொங்கிய ரசிகர்கள்..!

மேலும் படிக்க: IPL 2024 Playoffs: நடப்பு ஐ.பி.எல்.லின் பிளே ஆஃப், இறுதிப்போட்டி எங்கே? வெளியான முக்கிய தகவல்!