Asian Games: ஆசிய விளையாட்டிற்கான இந்திய கிரிக்கெட் அணி அறிவிப்பு.. கேப்டனான ருத்துராஜ் கெய்க்வாட்!

Asian Games: ஆசிய விளையாட்டு போட்டிகளில் இந்தியா சார்பில் பங்கேற்க உள்ள, ஆடவர் மற்றும் மகளிர் கிரிக்கெட் வீரர் மற்றும் வீராங்கனைகளின் பட்டியல் வெளியிடப்பட்டுள்ளது.

ருதுராஜ் கெய்க்வாட், ஹர்மன்ப்ரீத் கவுர்

19-வது ஆசிய விளையாட்டு போட்டிகள் வரும் செப்டம்பர் மாதம் 23-ம் தேதி முதல் அக்டோபர் மாதம் 8-ம் தேதி வரை சீனாவின் ஹாங்சோவ் நகரில் நடைபெற உள்ளது.

இதில், கிரிக்கெட் உட்பட மொத்தம் 40 வகையான விளையாட்டுகள் இடம் பெற்றுள்ளன. இந்நிலையில், நடப்பாண்டு ஆசிய விளையாட்டு போட்டிக்கு இந்திய சார்பிலும் அணிகள் பங்கேற்கும் என ஏற்கனவே இந்திய கிரிக்கெட் சம்மேளனம் அறிவித்திருந்தது. இதையடுத்து, ஆசிய விளையாட்டுக்குச் செல்லும் இந்திய கிரிக்கெட் அணி அறிவிக்கப்பட்டுள்ளது.