Indian cricket team pics: “நாங்க ரெடி, நீங்க ரெடியா?” - கொல்கத்தா ஈடன் கார்டனில் பயிற்சியை தொடங்கிய இந்திய அணி

கொல்கத்தா இடன் கார்டன் மைதானத்தில் இந்திய கிரிக்கெட் அணி

இந்தியா-வெஸ்ட் இண்டீஸ் அணிகளுக்கு எதிரான கிரிக்கெட் தொடர் தற்போது நடைபெற்று வருகிறது. அதில் முதலில் ஒருநாள் தொடர் நடைபெற்றது. இதை 3-0 என்ற கணக்கில் இந்திய அணி வெற்றிப் பெற்றது.

இதைத் தொடர்ந்து 3 டி20 போட்டிகள் கொண்ட இந்தியா-வெஸ்ட் இண்டீஸ் போட்டிகள் நடைபெற உள்ளது. இதில் முதல் போட்டி நாளை மறுநாள் கொல்கத்தாவில் தொடங்க உள்ளது.

இந்நிலையில் இந்திய அணியில் இடம்பெற்றுள்ள தமிழக வீரர் வாஷிங்டன் சுந்தருக்கு காயம் ஏற்பட்டுள்ளதாக தகவல் வெளியாகியுள்ளது.

இதன்காரணமாக அவர் வெஸ்ட் இண்டீஸ் அணிக்கு எதிரான டி20 தொடரிலிருந்து விலகியுள்ளதாக கூறப்படுகிறது. அவருக்கு பதிலாக வேறு மாற்று வீரர் யாரையும் பிசிசிஐ அறிவிக்கவில்லை என்று தெரிகிறது.

இந்திய வீரர்கள் கொல்கத்தாவின் ஈடன் கார்டன் மைதானத்தில் வலை பயிற்சியை தொடங்கினர். டி20 தொடரில் காயம் காரணமாக கே.எல்.ராகுல் மற்றும் அக்ஷர் பட்டேல் ஆகியோர் காயம் காரணமாக விலகினர். அவர்களுக்கு பதிலாக ருதுராஜ் கெய்க்வாட் மற்றும் தீபக் ஹூடா ஆகியோர் அணியில் சேர்க்கப்பட்டுள்ளனர்.