Oats Idly : சத்துகளை அள்ளி வழங்கும் ஓட்ஸ் இட்லி..இன்றே செய்து அசத்துங்கள்!

Oats Idly : ஒரே இட்லி சாப்பிட்டு போர் அடித்துவிட்டதா..? இந்த சுவையான சத்துகள் நிறைந்த ஓட்ஸ் இட்லியை செய்து அசத்துங்கள்.

ஓட்ஸ் இட்லி

தேவையான பொருட்கள் : ரோல்டு ஓட்ஸ் - 1 கப், அடித்த கெட்டி தயிர் - 200 கிராம், வெங்காயம் - 1 பொடியாக நறுக்கியது, கறிவேப்பில்லை, பச்சை மிளகாய் - 2 நறுக்கியது, இஞ்சி - 1 பெரிய துண்டு நறுக்கியது, கேரட் - 1 துருவியது, கொத்தமல்லி இலை நறுக்கியது, எண்ணெய் - 1 மேசைக்கரண்டி, கடலை பருப்பு - 1 தேக்கரண்டி, உளுத்தம் பருப்பு - 1 தேக்கரண்டி, சீரகம் - 1 தேக்கரண்டி, கடுகு - 1/2 தேக்கரண்டி, பெருங்காயத்தூள் - 1 தேக்கரண்டி, உப்பு - 1 தேக்கரண்டி.

செய்முறை : முதலில் மிக்ஸியில் ஓட்ஸ்'ஸை கொர கொரப்பாக அரைக்கவும். அரைத்த ஓட்ஸ் உடன், முழு ஓட்ஸ்'ஸையும் சேர்த்து எடுத்து வைக்கவும்.

கடாயில் எண்ணெய் ஊற்றி, இதில் கடலை பருப்பு, உளுத்தம் பருப்பு, சீரகம், கடுகு சேர்க்கவும். கடுகு வெடிக்க அரம்பித்ததும், இதில் பெருங்காயம், பெரிய வெங்காயம், கறிவேப்பில்லை, பச்சை மிளகாய், இஞ்சி சேர்க்கவும்.

வெங்காயம் பாதி வதங்கியதும், அடுப்பை அணைத்து ஆறவிடவும். ஆறிய வெங்காய கலவையை ஓட்ஸ்'ஸில் போடவும்.

இதனுடன், துருவிய கேரட், கொத்தமல்லி இலை, உப்பு சேர்த்து கலக்கவும். அடுத்து இதில் அடித்த கெட்டி தயிர் சேர்த்து கலந்து 5 நிமிடம் வைக்கவும்.

இட்லி பாத்திரத்தில் தண்ணீரை சூடாக்கி, இட்லி தட்டில் எண்ணெய் தடவி, செய்த ஓட்ஸ் கலவையை வைத்து, 15 நிமிடம் வேகவைக்கவும். அவ்வளவு தான் ஓட்ஸ் இட்லி தயார்.