Vijay Movie Update : இணையத்தில் வட்டமிடும் விஜய் நடிக்கும் படங்களின் அப்டேட்ஸ்!

நடிகர் விஜய்யின் லியோ மற்றும் தளபதி 68 படம் பற்றிய சுவாரஸ்ய தகவல்களை இங்கு காணலாம்.

விஜய் நடிக்கும் படங்கள் குறித்த தகவல்கள்

மாநகரம், கைதி, மாஸ்டர், விக்ரம் என அடுத்தடுத்து மெகா ஹிட் படங்களை கொடுத்தவர் இயக்குநர் லோகேஷ் கனகராஜ்

இவர் நடிகர் விஜய்யை வைத்து பிரமாண்டமாக இயக்கியுள்ள படம்தான் லியோ. இப்படத்தில் அர்ஜூன், பாலிவுட் ஸ்டார் சஞ்சய் தத், த்ரிஷா, பிரியா ஆனந்த், மன்சூர் அலிகான், மிஷ்கின், கௌதம் வாசுதேவ் மேனன் என பலர் நடித்துள்ளனர்.

விஜய் பிறந்தநாளையொட்டி கடந்த ஜூன் 22 ஆம் தேதி அன்று இப்படத்தின் ஃபர்ஸ்ட் லுக் போஸ்டர் மற்றும் ஃபர்ஸ்ட் சிங்கிளான‘நா ரெடி’எனும் பாடலும் வெளியானது.

இதனை அடுத்து இப்படத்தில் 17 தீம் டிராக்குகள் உள்ளதாகவும் ‘நா ரெடி தான்’ பாடல் போல் மற்றொரு பாடல் படத்தில் இடம் பெற்றுள்ளதாகவும் தகவல் வெளியாகியுள்ளது. அதேபோல் ஆண்டனி தாஸ், ஹரால்ட் தாஸ் மற்றும் பிளடி ஸ்வீட் ஆகிய ப்ரோமோகளின் முழு நீள வெர்ஷன் படத்தில் இடம்பெறும் என சொல்லப்படுகிறது.

தற்போது லியோ படம் வெளியாக இன்னும் ஆறு வாரம் உள்ள நிலையில் ஐரோப்பாவில் வரும் செப்டம்பர் 7ம் தேதி முதல் டிக்கெட் முன்பதிவு தொடங்க உள்ளது.

இன்னும் லியோ படமே வெளியாகாத நிலையில் தளபதி 68 படத்தை பற்றிய சுவாரஸ்ய தகவலும் வெளியாகி உள்ளது.

இப்படத்தில் நடிகர் விஜய் அப்பா-மகன் என்ற இரட்டை வேடத்தில் நடிக்கவுள்ளாராம். அத்தோடு அப்பா-மகன் சண்டையை மையப்படுத்தி கதை இருப்பதாகவும் இதில் விஜய் உளவுத்துறை அதிகாரியாகவும் நடிக்கவுள்ளதாக சொல்லப்படுகிறது. தற்போது தளபதி 68 படத்தின் படக்குழு 3டி வி.எஃப்.எக்ஸ் தொழில் நுட்பத்தை பயன்படுத்த லாஸ் ஏஞ்சல்ஸில் சென்றுள்ளதாக கூறப்படுகிறது.