Ramya Krishnan : ‘எனக்கு நடிக்க தெரியாது’ பழைய நினைவுகளை பகிர்ந்த நீலாம்பரி!

ஜெயிலர் படம் நல்ல வரவேற்பை பெற்று வரும் நிலையில், பேட்டி நிகழ்ச்சியில் கலந்து கொண்ட ரம்யா கிருஷ்ணன் மலரும் நினைவுகளை பகிர்ந்து கொண்டார்.

ரம்யா கிருஷ்ணன்

தமிழ் சினிமாவில் நெகடீவ் கதாபாத்திரத்தில் மாஸாக நடித்து இன்று வரை மீம் டெம்ப்ளேட்டாக இருந்து வருபவர் ரம்யா கிருஷ்ணன்.

கே.எஸ் ரவிகுமார் இயக்கத்தில் ரஜினி நடிப்பில் வெளிவந்த படம் படையப்பா. இந்த படத்தில் ரஜினிக்கு எதிராக நடித்தார் ரம்யா கிருஷ்ணன். இந்த கதாபாத்திரம் ரம்யா கிருஷ்ணனுக்கு புகழின் உச்சியை பெற்று தந்தது.

தற்போது ரஜினி நடிப்பில் வெளிவந்த ஜெயிலர் படத்தில் 24 வருடங்களுக்கு பிறகு ரஜினியுடன் இணைந்து நடித்துள்ளார். இந்த படம் மக்களிடையே நல்ல வரவேற்பை பெற்று வருகிறது.

இந்த நிலையில் பேட்டி நிகழ்ச்சியில் கலந்து கொண்ட ரம்யா கிருஷ்ணன் மலரும் நினைவுகளை பகிர்ந்தார். அவர் கூறியதாவது, “ சினிமாவுக்கு நான் வந்த புதிதில் எனக்கு நடிக்க வரவில்லை, வெள்ளை மனசு படத்தின் மூலம்தான் நான் முதல் முதலில் சினிமாவில் கால் பதித்தேன். அப்போது நான் சிறந்த நடிகையாக இல்லை”

“1988ல் வெளிவந்த ‘முதல் வசந்தம்’படத்தை பார்த்த எனது தாயார், நீ இந்த நடிப்பை வைத்துகொண்டு இவ்வளவு காலம் நடிகையாக எப்படி நீடித்தாய் என்று ஆச்சரியப்பட்டு கேட்டார்” - ரம்யா கிருஷ்ணன்

“இதில் இருந்து எனது நடிப்பு ஆரம்பத்தில் எப்படி இருந்தது என்று தெரிந்து கொள்ளுங்கள்”என்று கூறினார்.