Trisha in Azerbaijan : விடாமுயற்சி படத்திற்கு சூப்பர் ஹிண்ட் கொடுத்த திரிஷா!

Trisha in Azerbaijan : திரிஷாவின் லேட்டஸ்ட் பதிவு, விடாமுயற்சி படம் குறித்த ஹிண்டை கொடுத்துள்ளது.

அஜித்குமார் - திரிஷா

துணிவு படத்தின் வெற்றிக்கு பின், அஜித்தின் அடுத்த படத்தை விக்னேஷ் சிவன் இயக்கவுள்ளார் என தகவல் வந்தது. ஒரு சில காரணங்களால், இந்த காம்போ இணைய முடியாமல் போனது.

அடுத்ததாக, மீகாமன், தடம் ஆகிய படங்களை இயக்கிய மகிழ் திருமேனியின் டைரக்‌ஷனில் அஜித் நடிக்கவுள்ளார் என அதிகாரப்பூர்வ அறிவிப்பு வந்தது.

விடாமுயற்சி என பெயரிடப்பட்ட இப்படத்தை லைகா தயாரிப்பு நிறுவனம் தயாரிக்க, அனிருத் இசை அமைக்கிறார். இந்த பெரும் அறிவிப்புக்கு பின்னர், எந்த அப்டேட்டும் வராமல் இருந்தது.

சமீபத்தில் விடாமுயற்சி படக்குழுவினர் ஷூட்டிங்கிற்காக அஜர்பைஜான் சென்றுள்ளதாக தகவல் வந்தது. திரிஷாவும் இப்படத்தில் நடிக்கிறார் என்றும் சொல்லப்பட்டுள்ளது.

இதை உறுதிப்படுத்தும் வகையில், திரிஷா தற்போது அஜர்பைஜானில் எடுக்கப்பட்ட புகைப்படங்களை இன்ஸ்டாவில் பதிவிட்டுள்ளார்.

இதனால் அஜித் ரசிகர்கள் அப்டேட் வந்துவிடும் என்று மகிழ்ச்சி அடைந்துள்ளனர்.