Jawan prevue Records : முந்தைய ரெக்கார்டுகளை தவிடுபொடியாக்கிய ஜவான் படத்தின் டிரெய்லர் !

அட்லீயின் இயக்கத்தில் உருவாகி வரும் ஜவான் படத்தின் ட்ரெய்லர் புது சாதனையை படைத்துள்ளது.

ஜவான் ஷாருக்கான்

அட்லீ இயக்கத்தில் ஷாருக்கான் நடித்துள்ள ஜவான் படத்தின் ட்ரெய்லர் காட்சிகள் இணையத்தில் வைரலாகி வருகிறது.

இப்படத்தில் நயன்தாரா, விஜய் சேதுபதி, யோகிபாபு, ரியாஸ்கான் உள்ளிட்ட பலரும் நடித்துள்ளனர். அனிருத் இப்படத்திற்கு இசையமைத்துள்ளார்.

ஏற்கனவே இப்படத்தின் டீசர் வெளியாகி ரசிகர்கள் மத்தியில் நல்ல வரவேற்பை பெற்றது.

அதைதொடர்ந்து நேற்றைய தினம் ஜவான் படத்தின் ட்ரெய்லர் வெளியானது. இதில் முழுக்க முழுக்க ஆக்‌ஷன் கலந்ததாக இருந்தது.

ஜவான் திரைப்படத்தின் டிரெய்லர் அனைத்து சமூக வலைதள பக்கங்களிலும் கடந்த 24 மணிநேரத்தில் 112 மில்லியன் பார்வைகளை கடந்துள்ளது. ஜவான் படம், இதற்கு முன்னதாக வெளியான ஷாருக்கான் படத்தின் சாதனைகளை முறியடித்துள்ளது.

ஒருபுறம் ஜவான் படத்தின் ட்ரெய்லர் இணையத்தில் விமர்சனங்களை சந்தித்து வந்தாலும் மறுபுறம் வைரலாகி வருகிறது.