Rajini - Vijay : காக்கா - கழுகு சண்டைக்கு ஒரு எண்டு கார்ட் இல்லையா? ரஜினி- விஜய் ரசிகர்ளுக்கு இடையே தொடரும் பிரச்சினை

Rajini -Vijay : ஜெயிலர் முதல் லால் சலாம் வரை ரஜினி விஜய் ரசிகர்கள் மத்தியில் காக்கா - கழுகு கதை பிரச்சினை நீடித்து வருகிறது.

ரஜினிகாந்த் - விஜய்

யார் அடுத்த சூப்பர் ஸ்டார் என்ற பிரச்சினை நடிகர் ரஜினிகாந்த் மற்றும் நடிகர் விஜய் ரசிகர்கள் மத்தியில் நீடித்து கொண்டே இருக்கிறது.

ஜெயிலர் இசை வெளியீட்டு விழாவில் ரஜினி காக்கா - கழுகு கதை சொன்னதை நடிகர் ரஜினி, விஜய்யை தான் காக்காவாக குறிப்பிட்டு பேசி இருந்தார் என தாமாக முடிவு செய்து இணையத்தில் செய்திகளை பரப்பி வந்தார்கள் நெட்டிசன்கள்.

'லியோ' இசை வெளியீட்டு விழாவில், காட்டுக்கு வேட்டைக்கு போன இரண்டு பேர் பற்றிய குட்டி ஸ்டோரி சொல்ல அதை அவர் ரஜினிக்கு பதிலடி கொடுக்கும் வகையில் சொன்னார் என கருத்துக்கள் பரிமாறப்பட்டு வந்தன.

இப்படி இரு தரப்பினர் இடையே கருத்துக்கள் மூலம் மோதல்கள் நடைபெற்று வர 'லால் சலாம்' படத்தின் இசை வெளியீட்டு விழாவில் நடிகர் ரஜினிகாந்த் வெளிப்படையாகவே தயவு செய்து இரண்டு பேரோட ரசிகர்களும் எங்கள் இருவரையும் ஒப்பிடாதீர்கள் என வேண்டுகோள் வைத்தார்.

இதை மீண்டும் வேறு விதமாக விஜய்யை சீண்டி, ரஜினி பெருந்தன்மையாக நடந்து கொள்கிறார் ஆனால் விஜய் தான் அநாவசியமாக வார்த்தைகளை விடுகிறார் என்ற தொனியில் விமர்சனங்கள் முன்வைக்கப்பட்டு வருகின்றன.

நான் விஜய்யை குறிப்பிட்டு பேசவில்லை என ரஜினியே வெளிப்படையாக சொல்லியும் அதை வைத்து விஜய்யை விமர்சித்து வருவது பெரும் சர்ச்சையை ஏற்படுத்தி வருகிறது.