RC 16 : சிரஞ்சீவி - ஸ்ரீதேவி வாரிசுகள் இணையும் ஆர்.சி 16...பிரமாண்டமாக நடைபெற்ற பட பூஜை!

RC 16 : நடிகர் ராம் சரண் - நடிகை ஜான்வி கபூர் இணையும் ஆர்.சி 16 படத்தின் பூஜை பிரமாண்டமாக நடைபெற்றது.

ஸ்ரீதேவி , சிரஞ்சீவி, ராம் சரண், ஜான்வி கபூர்

தெலுங்கு திரையுலகின் முன்னணி நடிகரான ராம் சரண் 'ஆர்.ஆர்.ஆர்' படத்தின் வெற்றியால் சர்வதேச அளவில் பிரபலமானார்.

அதை தொடர்ந்து ஷங்கரின் இயக்கத்தில் 'கேம் சேஞ்சர்' படத்தில் நடித்து வருகிறார்.

தற்போது ஆர்.சி 16 படம் குறித்த அப்டேட் ஒன்று வெளியாகி ராம் சரண் ரசிகர்களை உற்சாகப்படுத்தியுள்ளது.

புஜ்ஜி பாபு இயக்கத்தில் ராம் சரண் நடிக்கும் ஆர்.சி 16 படத்தில் அவருக்கு ஜோடியாகிறார் நடிகை ஜான்வி கபூர்.

ரித்தி சினிமாஸ் மற்றும் மைத்ரி மூவி மேக்கர்ஸ் இணைந்து தயாரிக்கும் இப்படத்திற்கு ஏ.ஆர். ரகுமான் இசையமைக்கிறார்.

இப்படத்தின் பூஜை நேற்று பிரமாண்டமாக நடைபெற்றது. அதன் புகைப்படங்கள் சோசியல் மீடியாவில் வெளியாகி வைரலாகி வருகின்றன.

நடிகர் கிரஞ்சீவி மற்றும் நடிகை ஸ்ரீதேவி இருவரும் இணைந்து ஏராளமான படங்களில் நடித்துள்ளனர் என்பது குறிப்பிடத்தக்கது.