Amaran Teaser : பயோபிக்கில் நடிக்கும் சிவகார்த்திகேயன்..யார் இந்த மேஜர் முகுந்த் வரதராஜன்?

Amaran Teaser : சிவகார்த்திகேயனின் அமரன் திரைப்படத்தின் டீசர் நேற்று வெளியானது, இந்த டீசரின் மூலம் சிவகார்த்திகேயன், ராணுவ அதிகாரியான முகுந்த் வரதராஜனாக நடித்திருப்பது உறுதி செய்யப்பட்டுள்ளது.

சிவகார்த்திகேயன் - மேஜர் முகுந்த் வரதராஜன்

கமலின் ராஜ்கமல் ஃபிலிம்ஸ் தயாரிப்பில் ராஜ்குமார் பெரியசாமி இயக்கத்தில் சிவகார்த்திகேயன், சாய் பல்லவி உள்ளிட்டோர் நடிப்பில் உருவாகியுள்ள திரைப்படம் அமரன்.

சிவகார்த்திகேயனின் பிறந்தநாளை முன்னிட்டு, நேற்று இந்த படத்தின் டைட்டில் மற்றும் டீசர் வெளியானது.

இந்த திரைப்படத்தில் சிவகார்த்திகேயன் ராணுவ அதிகாரியான மேஜர் முகுந்த் வரதராஜனாக நடித்துள்ளார். இதனை அடுத்து மக்கள் மத்தியில் யார் இந்த முகுந்த் வரதராஜன் என்ற கேள்வி எழுந்துள்ளது.

முகுந்த் வரதராஜன், 1983 ஆம் ஆண்டு கேரள மாநிலம் கோழிக்கோடு மாவட்டத்தில் பிறந்து சென்னையில் தனது பள்ளி மற்றும் கல்லூரி படிப்பை முடித்தார்.

இதழியலில் முதுகலை பட்டம் பெற்ற இவர் ராணூவத்தில் சேர்ந்தார். 2006 ஆம் ஆண்டு இவர் ராஜ்புத் ரெஜினிமென்டில் லெப்டினென்டாக நியமிக்கப்பட்டார். அதன் பிறகு 2008 ஆம் ஆண்டு கேப்டனாக பதவி உயர்வு பெற்றார்.

2012 ஆம் ஆண்டு ஜம்மூவின் ஷோபியான் என்ற பகுதிக்கு மேஜராக அனுப்பப்பட்டார். அதன் பிறகு இந்து வர்கீஸ் என்பவரை காதலித்து திருமணம் செய்து கொண்டார்.

கடந்த 2014 ஆம் ஆண்டு ஏப்ரல் 25 ஆம் தேதி ஷோபியான் பகுதியில் கட்டிடம் ஒன்று சிறைப்பிடிக்கப்பட்டது. அப்போது நடந்த தாக்குதலில் மூன்று குண்டுகளை நெஞ்சில் தாங்கி வீழ்ந்தார் மேஜர் முகுந்த் வரதராஜன்.

இவர் மறைவுக்கு பின் இந்திய அரசின் உயரிய விருதான அசோக சக்ரா விருது இவருக்கு வழங்கப்பட்டது.

31 வயதில் நாட்டை காப்பதற்காக தனது இன்னுயிரை தந்த மேஜர் முகுந்த் வரதராஜனின் வாழ்க்கை வரலாறே அமரன் திரைப்படமாக உருவாகியுள்ளது.