PS 2 : டெல்லி வீதியில் ஜாலியாக குல்ஃபி சாப்பிட்ட சோழர்கள்!

பி.எஸ் 2 படக்குழுவினர் டெல்லி சாலையில் குல்ஃபி சாப்பிடும் புகைப்படங்களை லைகா தனது இன்ஸ்டாகிராம் பக்கத்தில் வெளியிட்டுள்ளது.

பிஎஸ் 2

இயக்குநர் மணிரத்னம் இயக்கத்தில் விக்ரம்,ஐஸ்வர்யா ராய், த்ரிஷா, ஜெயம் ரவி, கார்த்தி, பிரகாஷ் ராஜ் மற்றும் பலரது நடிப்பில் வெளியான படம் பொன்னியின் செல்வன்.

இதன் இரண்டாம் பகுதி இந்த மாதம் 28 ஆம் தேதி வெளியாகவுள்ள நிலையில், இந்த படத்திற்கான ப்ரமோஷன் பணிகள் தீவிரமாக நடந்து வருகிறது.

அந்த வகையில் பொன்னியின் செல்வன் படத்தில் நடித்த நடிகர்கள் சோழா டூர் என்ற பெயரில் இந்தியாவில் உள்ள பல்வேறு முக்கிய நகரங்களில் பிரமோஷன் பணிகளை மேற்கொண்டு வருகின்றனர்.

தற்போது பிரமோஷனுக்காக டெல்லி சென்றுள்ள படக்குழு, ஸ்ரீராம் காலேஜ் ஆஃப் காமர்ஸில் நிகழ்ச்சி ஒன்றை நடத்தியது.

மேலும் பி.எஸ் 2 படக்குழுவினர் டெல்லி சாலையில் குல்ஃபி சாப்பிடும் புகைப்படங்களை லைகா தனது இன்ஸ்டாகிராம் பக்கத்தில் வெளியிட்டுள்ளது.

அந்த புகைப்படங்கள் ரசிகர்களால் பகிரப்பட்டு வருகிறது.