Priyamani Birthday : பிரியமான பிரியாமணிக்கு பிறந்தநாள் இன்று...குவியும் வாழ்த்துகள்...!

இன்று நடிகை பிரியாமனியின் 39 ஆவது பிறந்தநாள்.

பிரியாமணி

இயக்குனர் பாரதிராஜாவால் அறிமுகப்படுத்தப்பட்ட மற்றுமொரு நாயகி பிரியாமணி.

கண்களால் கைது செய் என்கிற படத்தின் மூலம் தமிழ் சினிமாவிற்கு அறிமுகமானார் நடிகர் பிரியாமணி.

இதனைத் தொடர்ந்து இயக்குனர் பாலுமகேந்திரா இயக்கிய அது ஒரு கனா காலம் திரைப்படத்தில் தனுஷுடன் இணைந்து நடித்தார் பிரியாமணி.

பின் 2006 ஆம் ஆண்டு அமீர் இயக்கிய பருத்தி வீரன் திரைப்படத்தில் கார்த்தியுடன் இணைந்து நடித்தார் பிரியாமணி. முத்தழகு என்கிற கதாபாத்திரத்தின் நடித்த பிரியாமணி அந்த கதாபாத்திரத்தில் வேறு யாரையும் கற்பனை செய்ய முடியாத அளவிற்கு தனது நடிப்பால் அசத்தியிருந்தார்.

இந்தப் படத்திற்காக சிறந்த நடிகருக்கான தேசிய விருதையும் வென்றார் பிரியாமணி. இதனைத் தொடர்ந்து மலையாளத்தில் அவர் நடித்த திரைக்கதா என்கிற படத்திற்காக ஃபிலிப்பேர் விருதையும் வென்றார்.

பிரியாமணி தமிழ் ரசிகர்களிடம் தனது நல்ல கதாபாத்திரங்களின் வழியாக நல்ல எதிர்பார்ப்பை ஏற்படுத்தியவர்.

இந்நிலையில், பிரியாமனி தனது 39 ஆவது பிறந்தநாளை கொண்டாடுகிறார். இவருக்கு ரசிகர்கள் என பலரும் வாழ்த்துகளை தெரிவித்து வருகின்றனர்.