Rockstar Ramani Ammal: இன்னல்களை கடந்து பலருக்கு தைரியம் கொடுத்த தன்னம்பிக்கையின் மறு உருவம் 'ராக்ஸ்டார்' ரமணிஅம்மாள்

Rockstar Ramani Ammal:தனியார் தொலைக்காட்சியின் பிரபல நிகழ்ச்சியான ‘ச ரி க ம ப’வில் பங்கேற்று, இன்று பலரின் மனங்களில் இடம் பிடித்துள்ள ராக்ஸ்டார் ரமணிஅம்மாள் குறித்த சுவாரஸ்ய தகவல்கள்.

ரமணி அம்மாள் குறித்த சுவாரஸ்ய தகவல்கள்

தனியார் தொலைக்காட்சியின் பிரபலமான நிகழ்ச்சி, ச ரி க ம ப. இதில், பல மக்களின் கவனத்தை ஈர்த்தவர் ரமணி அம்மாள்.

63 வயதில், ச ரி க ம ப நிகழ்ச்சி மூலம் தனது திறமையை வெளிப்படுத்தி புகழின் உச்சம் தொட்டார்.

கடந்த 2004ஆம் ஆண்டு வெளியான காதல் படத்திலேயே பாடகியாக ரமணியம்மாள் அறிமுகமாகி ஒரு சில படங்களில் பாடியுள்ளார்.

நாட்டுப்புற பாடகியான இவர் பாலாஜி சக்திவேல் இயக்கத்தில் பரத் நடித்த காதல் படத்தில் தண்டட்டி கருப்பாயி பாடலைப் பாடிய நிலையில், அந்த பாடல் மிகப் பெரிய வெற்றியை பெற்றது

ஜீ தமிழ் தொலைக்காட்சி நிகழ்ச்சியின் மூலம் நிகழ்ச்சி நடுவர்கள் முதல் ரசிகர்கள் வரை அனைவரையும் அசத்தி ’ராக்ஸ்டார்’ எனும் அடைமொழியைப் பெற்று அவ்வாறே அதுமுதல் அழைக்கப்பட்டு வருகிறார்

இப்படி பலரது மனங்களில் இடம் பெற்ற ராக்ஸ்டார் ரமணி அம்மாள் தனது 69ஆவது வயதில் உயிரிழந்துள்ளார்