Oscar Winners : களைக்கட்டிய ஆஸ்கர் திருவிழா..ஒரே கல்லில் 7 விருதுகளை வென்ற ஒரே படம்..மேலும் பல தகவல்கள் இதோ!

Oscar Winners: லாஸ் ஏஞ்சல்ஸ் நகரில் நடந்த ஆஸ்கர் விருது வழங்கும் திருவிழாவில், யார் யார் என்னென்ன விருதுகள் வென்றனர் என்பதை பார்க்கலாம் வாங்க.

ஆஸ்கர் வெற்றியாளர்களின் பட்டியல்

சிறந்த நடிகைக்கான விருதினை எவ்ரிதிங் எவ்ரிவேர் ஆல் அட் ஒன்ஸ் படத்தில் நடித்திருந்த மிசெல் யோ பெற்றுக்கொண்டார்

அதே படத்திற்காக சிறந்த துணை நடிகருக்கான விருதினை கி ஹியூ க்யுவான் வென்றார்

சிறந்த துணை நடிகைக்கான விருதினை எவ்ரிதிங் எவ்ரிவேல் ஆல் அட் ஒன்ஸ் படத்தில் நடித்திருந்த ஜேமி லீ கர்டீஸ் பெற்றுக்கொண்டார்

சிறந்த இயக்கத்திற்கான விருதையும் இப்படம் பெற்றுள்ளது. இதற்கான விருதினை அப்படத்தின் இயக்குனர்கள் டேனியல் க்வான் மற்றும் டேனியல் ஷீனர்ட் ஆகியோர் பெற்றுக்கொண்டனர்

சிறந்த படம், சிறந்த துணை நடிகர்-நடிகை, சிறந்த நடிகைக்கான, சிறந்த இயக்கம், சிறந்த படத்தொகுப்பு, சிறந்த எழுத்து ஆகிய பிரிவுகளில் மொத்தம் 7 விருதினை எவ்ரிதிங் எவ்ரிவேர் ஆல் அட் ஒன்ஸ் திரைப்படம் தட்டிச்சென்றுள்ளது.

சிறந்த நடிகருக்கான விருதினை தி வேல் படத்திற்காக பிரெண்டன் ஃப்ரேசர் பெற்றுக்கொண்டார்

சிறந்த இசைக்கான விருது ஆர்.ஆர்.ஆர் படத்தின் நாட்டு நாட்டு பாடலிற்கு கிடைத்தது. இந்த விருதினை அப்பாடலிற்கு இசையமைத்திருந்த எம்.எம்.கீரவானி மற்றும் அப்பாடலை எழுதிய சந்திர போஸ் ஆகியோர் பெற்றுக்கொண்டனர்

சிறந்த டாக்குமெண்டரி குறும் படத்திற்கான விருது, இந்திய படமான தி எலிஃபெண்ட்ஸ் விஸ்பரர்ஸிற்கு கிடைத்தது

சிறந்த விஷுவல் எஃபெக்ட்ஸிற்கான விருது, அவதார் தி வே ஆஃப் வாட்டர் படத்திற்கு கிடைத்தது

ஆல் குயட் ஆன் தி வெஸ்டர்ன் ஃப்ரண்ட் திரைப்படம், சிறந்த ஒளிப்பதிவு, இன்டர்நேஷனல் ஃபிலிம், சிறந்த ஒரிஜினல் ஸ்கோர் (இசை), சிறந்த ப்ரெடக்ஷன் டிசைன் ஆகிய பிரிவுகளில் ஆஸ்கர் விருதினை வென்றுள்ளது