Deepika Padukone : அம்மா வந்துட்டாங்க.. 8 மாதக் கருவுடன் ஜொலிக்கும் பாலிவுட் நடிகை தீபிகா!

Deepika Padukone : வயிற்றில் இருக்கும் குழந்தையுடன் சூப்பர் போஸ் கொடுத்து இருக்கிறார் தீபிகா படுகோன்.

தீபிகா படுகோன் - ரன்வீர் சிங்

சினிமா உலகில் கன்னட படம் மூலம் அறிமுகமானாலும், ஹிந்தி சினிமாவில் எக்கச்சக்கமான படங்களில் நடித்து திரையுலகில் முன்னணி நடிகையாக வலம் வருகிறார் தீபிகா.

தமிழ் சினிமா ரசிகர்களுக்கு ஷாருக்கானுடன் இணைந்து நடித்த சென்னை எக்ஸ்பிரஸ் படத்தின் மூலம் பரிட்சயமானார்.

ராம் லீலா, பாஜி ராவ் மஸ்தானி, பத்மாவத் உள்ளிட்ட சஞ்சய் லீலா பன்சாலி படங்கள் இவரை உலகளவில் பிரபலமாக்கியது. சக நடிகரான ரன்வீர் சிங்கை காதலித்து கரம் பிடித்தார் தீபிகா.

2018ல் திருமணம் செய்து கொண்ட இந்த ஜோடி, அப்பா - அம்மாவாக ப்ரோமோஷன் வாங்கும் செய்தியை சில மாதங்களுக்கு முன் வெளியிட்டனர்.

முந்தைய வாரத்தில் வெளியாகி பாக்ஸ் ஆஃபிஸில் சக்கை போடும் கல்கி படத்தில் அனைவரும் எதிர்பார்க்கும் குழந்தையை சுமக்கும் தாயாக நடித்திருந்தார்.

ரீல் வாழ்க்கையில் கர்ப்பமாக இருக்கும் சுமதி கல்கியை எப்போது ஈன்று கொடுப்பார் என்பது தெரியவில்லை. ஆனால், ரியல் வாழ்க்கையில் கர்ப்பமாக இருக்கும் தீபிகா படுகோன் வரும் செப்டம்பர் மாதம் அவரின் குழந்தையை கையில் ஏந்தி இருப்பார் என்பது மட்டும் உறுதி.