Cinema Updates : வார இறுதியில் வெளியாகும் இரண்டு படங்கள்.. இன்றைய சினிமா அப்டேட்ஸ் இதோ!

Cinema Updates : தமிழ் சினிமா வட்டாரத்தில் இருந்து பல சுவாரஸ்யமான தகவல்கள் வரிசையாக வந்து கொண்டிருக்கின்றன.

சினிமா அப்டேட்

விஜய் சேதுபதியின் 50-வது படமான மகாராஜா படத்தை நிதிஷ் சாமிநாதன் இயக்கியுள்ளார். கடந்த சில நாட்களுக்கு முன்பு படத்தின் ட்ரெய்லர் வெளியாகி படத்தின் எதிர்பார்ப்பை தூண்டியது. இந்த படம் வருகின்ற ஜூன் 14 ஆம் தேதி வெளியாக உள்ளதாக படக்குழு அறிவித்துள்ளது.

பிரபாஸ், கமல்ஹாசன், அமிதாப் பச்சன், திஷா பதானி ஆகியோர் நடிப்பில் பிரமாண்டமாக உருவாகியுள்ள படம் கல்கி 2898 AD . இந்த படம் வருகின்ற ஜூன் 27 ஆம் தேதி வெளியாகும் என அறிவிப்புகள் வந்த நிலையில், தற்போது படத்தின் ட்ரெய்லர் ஜூன் 10 ஆம் தேதி வெளியாகவுள்ளது என படக்குழு தெரிவித்துள்ளது.

இயக்குநர் பா.ரஞ்சித் சார்பட்டா படத்தின் இரண்டாம் பாகத்தை இயக்கவுள்ளதாக தெரிவித்திருந்தார். இதற்கு பின் அட்டகத்தி தினேஷை ஹீரோவாகவும் ஆர்யாவை வில்லனாவும் வைத்து ரஞ்சித் படம் எடுக்கப்போவதாக சினிமா வட்டாரங்கள் தெரிவிக்கின்றன.

அஜித் குமார் நடித்து வரும் குட் பேட் அக்லி படத்தின் படப்பிடிப்பு மிக தீவிரமாக நடைபெற்று வருகிறது. முதற்கட்ட படப்பிடிப்பு மாஸான பாடலின் ஷூட் உடன் நிறைவடைய உள்ளதாக கூறப்படுகிறது. அதன் பின்னர், இந்த மாத இறுதியில் மீண்டும் விடாமுயற்சி பட ஷூட்டில் அஜித் குமார் இணைய உள்ளதாகவும் கூறப்படுகிறது.

விதார்த் நடத்துள்ள அஞ்சாமை படமும், சத்யராஜ் மற்றும் அஸ்வின் நடித்துள்ள வெப்பன் படமும் ஜூன் 7 ஆம் தேதி திரையரங்கில் வெளியாக உள்ளது.