Bumper Movie Review : ‘பணம் பத்தும் செய்யும்..’ புதுமுக இயக்குநரின் பம்பர் எப்படி இருக்கு? குட்டி விமர்சனம் இதோ!

அறிமுக இயக்குநர் எம். செல்வகுமார் இயக்கியிருக்கும் படம் பம்பர். இப்படத்தின் குட்டி விமர்சனத்தை இங்கு காணலாம்.

பம்பர் படத்தின் விமர்சனம்

கோவிந்த் வசந்தா இந்தப் படத்திற்கு இசையமைத்துள்ளார். ஜீவி படத்தில் நடித்த வெற்றி, ஷிவானி, கவிதா பாரதி, ஜி. பி. முத்து, தங்கதுரை ஆகியோர்கள் நடித்துள்ளார்கள்.

கதைகளம் : தூத்துக்குடியைச் சேர்ந்த இளைஞனான புலிப்பாண்டி (வெற்றி), அவனது நண்பர்களும் தங்களது தேவைக்காக அவ்வப்போது சின்ன சின்ன திருட்டுக்களை செய்துவருகிறார்கள்.

எப்படியாவது புலி பாண்டிக்கு பணம் சம்பாதிக்க வேண்டும் என்ற ஆர்வம் இருக்கிறது. புலிப்பாண்டி எதேச்சையாக வாங்கும் லாட்டரி எண்ணிற்கு பத்து கோடி ரூபாய் பரிசு விழுகிறது.

அதைவாங்க முயற்சிக்கும் போது அவனை சுற்றி நடக்கும் அனைத்து விஷயங்கள் எப்படி மாறுகிறது என்பது தான் கதை மற்றும் பணம் என்கிற ஒன்று மனிதர்களின் அறத்தோடு விளையாடும் விளையாட்டை மிக நேர்மையான முறையில் படமாக்கியிருக்கிறார் இயக்குநர் எம் செல்வகுமார்.

நடிகர் வெற்றி கதாபாத்திரத்தைப் நன்றாக உள்வாங்கியிருக்கிறார் என்பதை அவரது நிலையான நடிப்பில் தெரிந்துகொள்ள முடிகிறது.

மொத்ததில் நம்பிக்கையான ஒரு கதையை வைத்திருந்த இயக்குநர் சில இடங்களில் கமர்ஷியலான விஷயங்களை தவிர்த்து இருக்கலாம். இது தான் பம்பர் படத்தின் திரைவிமர்சனம்.